કોઇપણ સેલિબ્રિટી જ્યારે કોઇની સાથે વધારે જોવા મળે ત્યારે તે બંનેના નામને જોડી દેવાતા હોય છે. છેલ્લા ઘણા સમયથી એરિકા ફર્નાન્ડિસનું નામ તેના કો સ્ટાર પાર્થ સાથે જોડાઇ રહ્યુ હતુ તે સિવાય પણ કુછ રંગ પ્યાર કે એસે ભીના કો સ્ટાર શહીર શેખ સાથે પણ ચર્ચાયુ હતુ. હવે એરિકાએ તેની રિલેશનશીપને લઇને મૌન તોડ્યુ છે અને જાહેર કર્યુ છે કે તે કોને ડેટ કરી રહી છે.
શહીર શેખ અને પાર્થ સમતાન સાથે જોડાયુ નામ
એક્ટ્રેસે કર્યો મોટો ખુલાસો
રોમાન્ટિક સિન નથી જોઇ શકતો તેનો પાર્ટનર
સિરીયલ કસૌટી ઝીંદગી કી 2માં કામ કરી રહેલી એરિકા તેના લિંકઅપને લઇને લાઇમલાઇટમાં રહે છે. તેણીએ કોઇ દિવસ તેની પર્સનલ રિલેશન્સને લઇને ક્યારેય વાત નથી કરી પરંતુ હવે તેણે ખુલાસો કરી દીધો છે અને કહી દીધુ છે કે તેની પર્સનલ લાઇફમાં શું ચાલી રહ્યું છે.
એરિકા શહીર શેખ કે પાર્થ સમથાનમાંથી કોઇને ડેટ નથી કરી રહી. સિડ કનન સાથેની લાઇવ ચેટમાં તેણે ખુલાસો કર્યો હતો કે તે 3 વર્ષથી કોઇને ડેટ કરી રહી છે અને તેને તમે ઓળખતા નહી હોવ કારણ કે તે વ્યક્તિ ઇન્ડસ્ટ્રીનો નથી.
વધુમાં એરિકાએ જણાવ્યુ કે, સમય જતા તેમનો સંબંધ વધુ ને વધુ મજબૂત થતો ગયો, દરેક સંબંધમાં ઉતાર ચડાવ આવે છે પરંતુ તેનો મતલબ એ નથી કે તે સંબંધ જ પૂરો કરી નાંખે. તે બંનેએ તેમના સંબંધને ખૂબ જ સારી રીતે સાચવ્યો છે. તેમને બંનેને સાથે રહેવુ પસંદ છે અને બંનેને સારી રીતે સમજી શકે છે.
એરિકાએ કહ્યું કે તેના પાર્ટનરને તેના કામથી કોઇ વાંધો નથી પરંતુ શૉમાં આવતા રોમાન્ટિક સિનથી તેને પ્રોબ્લેમ છે. તે એરિકાને બીજા કોઇ સાથે રોમાન્સ કરતા નથી જોઇ શકતો અને એટલા માટે જ તે એરિકાની કોઇ પણ સિરીયલ નથી જોતો. એરિકાને આ વાતથી કોઇ વાંધો નથી.