જો તમે પણ નોકરી કરો છો તો તમારી પાસે 7 લાખ રૂપિયાનો બમ્પર ફાયદો મેળવવાની તક છે. EPFO તરફથી નોકરિયાત લોકોને ઘણાં પ્રકારની સુવિધાઓ આપવામાં આવે છે. જે હેઠળ હવે EPFO તમને આખા 7 લાખ રૂપિયાનો લાભ આપી રહ્યું છે.
નોકરિયાત વર્ગ પાસે 7 લાખ રૂપિયાનો ફાયદો મેળવવાની બમ્પર તક
EPFOના કર્મચારીઓ 31 ડિસેમ્બર પહેલાં ઈ-નોમિનેશન આવશ્ય કરાવે
જો તમે ઈ-નોમિનેશન નહીં કરાવો તો તમને 7 લાખનું નુકસાન થશે
31 ડિસેમ્બર પહેલાં ઈ-નોમિનેશન આવશ્ય કરાવી લે
જો તમે ઈપીએફઓના કર્મચારી છો તો તમે આ સુવિધાનો સરળતાથી લાભ ઉઠાવી શકો છો. કર્મચારી ભવિષ્ય નિધિ સંગઠને પોતાના કર્મચારીઓને સલાહ આપી છે કે તેઓ 31 ડિસેમ્બર પહેલાં ઈ-નોમિનેશન આવશ્ય કરાવી લે. જો તમે આવુ નહીં કરો તો તમને 7 લાખનુ નુકસાન થઇ શકે છે. જેના માટે ફક્ત તમારે એક ફોર્મ ભરવાનુ હોય છે. ત્યારબાદ તેનો ફાયદો ઉઠાવી શકાય છે. આવો જાણીએ તેની સમગ્ર પ્રક્રિયા.
પેન્શન સિવાય જીવન વીમાનો પણ ફાયદો
કર્મચારી ભવિષ્ય નિધિ સંગઠન પોતાના કર્મચારીઓને પીએફ અને પેન્શન સિવાય જીવન વીમાનો પણ ફાયદો આપે છે. જે હેઠળ તમને આ 7 લાખ રૂપિયાનો ફાયદો મળે છે. ખાસ વાત એ છે કે આ સુવિધા ગ્રાહકોને ફ્રીમાં મળે છે. જેના માટે કોઈ પણ પ્રકારનું યોગદાન આપવામાં આવતુ નથી.
EPFO એ કર્યુ ટ્વિટ
EPFO એ પોતાના સત્તાવાર ટ્વિટર એકાઉન્ટ દ્વારા ટ્વિટ કરી આ અંગે જાણકારી આપી હતી. EPFO એ ટ્વિટમાં લખ્યું હતુ કે EPFના દરેક કર્મચારીઓ ઈમ્પલોઈઝ ડિપોઝીટ લિન્ક્ડ ઈન્શ્યોરન્સ સ્કીમ, 1976 હેઠળ કવર થાય છે. EDLI સ્કીમ હેઠળ દરેક EPF એકાઉન્ટ પર 7 લાખ રૂપિયા સુધીનુ ફ્રી ઈન્શ્યોરન્સ કવર મળે છે. ઉલ્લેખનીય છે કે જો નોમિનેશન વગર જ કોઈ સભ્યનુ મોત થાય છે ક્લેમની પ્રક્રિયા કરવી કપરી બની જાય છે. આવો જાણીએ છીએ કે તમે ઓનલાઈન માધ્યમ દ્વારા કેવીરીતે નોમિનેશન ડિટેઈલ્સ ભરી શકો છો.
આ રીતે કરાવી શકો છો ઈ-નોમિનેશન
તમારે સૌથી પહેલાં EPFOની સત્તાવાર વેબસાઈટ https://www.epfindia.gov.in/ પર જવુ પડશે.
અહીં તમારે સૌથી પહેલાં ‘Services’ ઓપ્શન પર ક્લિક કરવાનુ છે.
ત્યારબાદ તમારે અહીં ‘For Employees’ પર ક્લિક કરવાનુ છે.
હવે મેમ્બર UAN/ ઓનલાઈન સર્વિસ પર ક્લિક કરો.
હવે યુએએન અને પાસવર્ડ નાખી લોગ ઈન કરો.
ત્યારબાદ મેનેજ ટેબમાં ઈ-નોમિનેશન સિલેક્ટ કરો.
ત્યારબાદ સ્ક્રીન પર પ્રોવાઈડ ડિટેલ્સ ટેબ આવશે, સેવ પર ક્લિક કરો.
ફેમિલી ડેક્લેરેશન અપડેટ કરવા માટે યસ પર ક્લિક કરો.
હવે એડ ફેમિલી ડિટેઈલ્સ પર ક્લિક કરો. એકથી વધુ નૉમિની પણ એડ કરી શકાય છે.
કયા નોમિનીના ભાગમાં કેટલી રકમ આવશે. તેની જાહેરાત માટે નોમિનેશન ડિટેઈલ્સ પર ક્લિક કરો. માહિતી નાખ્યાં બાદ સેવ ઈપીએફ નોમિનેશન પર ક્લિક કરો.
ઓટીપી જનરેટ કરવા માટે ઈ-સાઈન પર ક્લિક કરો. ઓટીપી આધારની સાથે લિન્ક મોબાઈલ નંબર પર મોકલવામાં આવશે.
ઓટીપીને નક્કી કરેલી જગ્યામાં નાખીને સબમિટ પર ક્લિક કરો.