કામની વાત / PF પર વ્યાજના પૈસાને લઈને સામે આવી મોટી અપડેટ, EPFOએ જણાવ્યું ક્યારે મળશે પૈસા

• નોકરિયાત લોકો માટે કામના સમાચાર
• પીએફ પર વ્યાજના પૈસાને લઈને આવી મોટી અપડેટ
• EPFO જણાવ્યું ક્યારે મળશે પૈસા

EPFOએ અગાઉ જુલાઇ મહિનામાં વ્યાજના પૈસા જમા કરવાનું કહ્યું હતું, ત્યારબાદ દેશના લગભગ 6 કરોડ નોકરીયાત લોકો તેની રાહ જોઇ રહ્યાં હતા, પરંતુ હજુ સુધી પૈસા જમા થયા નથી. તમને જણાવી દઈએ કે અત્યારે EPFO તરફથી પ્રોવિડન્ટ ફંડ પર 8.5 ટકાના દરે વ્યાજ મળે છે.

EPFOથી ઘણાં લોકો ટ્વિટર પર સવાલ પૂછી રહ્યાં છે કે વ્યાજના પૈસા ક્યારે આવશે. હવે EPFOએ ઘણાં કર્મચારીઓના પ્રશ્નનો જવાબ આપ્યો છે અને જણાવ્યું કે ખાતામાં પૈસા ક્યારે આવી શકે છે? EPFO દ્વારા કહેવામાં આવ્યું છે કે વ્યાજ દર જમા કરવાની પ્રક્રિયા ચાલી રહી છે અને તેને ટૂંક સમયમાં અપડેટ કરવામાં આવશે. અત્યારે ખાતામાં વ્યાજની રકમ કયા દિવસે આવશે તેની કોઈ તારીખ નક્કી કરવામાં આવી નથી, પરંતુ ટૂંક સમયમાં તમારા ખાતામાં પૈસા આવવાની ધારણા છે.

તમને જણાવી દઈએ કે કંપની કર્મચારીઓના ઈપીએફઓ ખાતામાં દર મહિને પૈસા ટ્રાન્સફર કરે છે. આ એક નિશ્ચિત રકમ છે, જે તમારા પગારમાંથી કાપવામાં આવે છે અને તમારી કંપની પણ એ જ રકમનું યોગદાન આપે છે. ચાલો તમને જણાવીએ કે તમે તમારા ખાતાની બેલેન્સ કેવી રીતે ચેક કરી શકો છો.

SMS દ્વારા બેલેન્સ જાણો

જો તમારો યુએન નંબર ઇપીએફઓમાં રજિસ્ટર્ડ છે, તો તમારા પીએફ બેલેન્સ વિશેની માહિતી મેસેજ દ્વારા મળી જશે. આ માટે તમારે 7738299899 પર EPFOHO મોકલવું પડશે. તમારી પીએફ માહિતી મેસેજ પર મળી જશે. પીએફ બેલેન્સ માટે તમારું યુએન, બેંક ખાતું, પાનઅને આધાર સાથે લિંક હોવું જરૂરી છે. આ સેવા અંગ્રેજી, પંજાબી, મરાઠી, હિન્દી, કન્નડ, તેલુગુ, તમિલ, મલયાલમ અને બંગાળીમાં ઉપલબ્ધ છે. આ SMS UANના રજિસ્ટર્ડ મોબાઈલ નંબર પરથી મોકલવો.

મિસ્ડ કોલ દ્વારા જાણો બેલેન્સ

મોબાઈલ નંબર પરથી તમારે 011-22901406 પર મિસ્ડ કોલ આપવો પડશે. આ પછી પીએફની વિગતો ઇપીએફઓના મેસેજ દ્વારા પ્રાપ્ત થશે. અહીં પણ તમારું યુએએન, પાન અને આધાર લિંક હોવું જરૂરી છે.

EPFO દ્વારા બેલેન્સ ચેક કરો

EPFOના કર્મચારીઓ UMANG એપ દ્વારા તેમના PF એકાઉન્ટ બેલેન્સ ચેક કરી શકે છે. ઇપીએફ પાસબુક જોવા ઉપરાંત તમે ક્લેમ કરી શકો છો. આ એક સરકારી એપ છે. આ એપ્લિકેશનની મદદથી તમે ઘણી સુવિધાઓનો લાભ લઈ શકો છો. તમારે તેને તમારા ફોનમાં ડાઉનલોડ કરીને રજિસ્ટ્રેશન કરાવવું પડશે.

• આ માટે તમારે EPFO ​​પર જવું પડશે.
• અહીં Employee Centric Services પર ક્લિક કરો.
• હવે View Passbook પર ક્લિક કરો.
• પાસબુક જોવા માટે તમારેાUAN સાથે લોગિન કરો.