કામના સમાચાર / નોકરિયાત લોકોને મોટી રાહત, UANને આધાર સાથે લિંક કરવાને લઈને જાણી લો આ જરૂરી વાત

• નોકરિયાત લોકો માટે રાહતના સમાચાર
• EPFO ​​સબ્સ્ક્રાઇબર્સને મળી રાહત 
• UANને આધાર સાથે લિંક કરવાની તારીખ લંબાવાઈ

UANને આધાર સાથે લિંક કરવાની સમયમર્યાદા વધારીને 31 ડિસેમ્બર કરવામાં આવી છે. અગાઉ તેની છેલ્લી તારીખ 31 ઓગસ્ટ હતી. EPFOએ સોશિયલ મીડિયા દ્વારા આ માહિતી આપી છે. જો તમે 31 ડિસેમ્બર સુધીમાં EPFO ​​અને આધાર નંબરને લિંક નહીં કરો તો તમારા ખાતામાં કંપની તરફથી આવતું યોગદાન બંધ થઈ જશે. આ સિવાય તમને EPF ખાતામાંથી પૈસા ઉપાડવામાં પણ મુશ્કેલીનો સામનો કરવો પડી શકે છે. જો EPF ખાતાધારકનું ખાતું આધાર સાથે જોડાયેલું નથી તો તેઓ EPFO ​ની સેવાઓનો ઉપયોગ કરી શકશે નહીં.

આ છે લિંક કરવાની પ્રોસેસ

• સૌથી પહેલાં તમે EPFO ​​પોર્ટલ epfindia.gov.in પર જાઓ.
• UAN અને પાસવર્ડનો ઉપયોગ કરીને તમારા ખાતામાં લોગિન કરો. Manage સેક્શનમાં કેવાયસી પર ક્લિક કરો. 
• હવે આધાર વિકલ્પ પસંદ કરો અને આધાર કાર્ડ પર તમારો આધાર નંબર અને તમારું નામ લખીને સેવ પર ક્લિક કરો.
• તમારા દ્વારા આપવામાં આવેલી માહિતી સુરક્ષિત રહેશે, તમારું આધાર UIDAIના ડેટા સાથે વેરિફાઈ કરવામાં આવશે.
• તમારા કેવાયસી દસ્તાવેજો ચેક કર્યા બાદ તમારું આધાર તમારા ઈપીએફ ખાતા સાથે લિંક થઈ જશે અને તમને તમારા આધારની જાણકારી સામે વેરિફાઈ લખેલું દેખાશે. 

કર્મચારી અને એમ્પ્લોયર બંને EPF ખાતામાં પૈસા જમા કરે છે

ઇપીએફઓ એક્ટ હેઠળ કર્મચારીની બેસિક સેલરી પ્લસ 12% ડીએ ઇપીએફ ખાતામાં જાય છે. સાથે જ એમ્પ્લોયર (કંપની) પણ કર્મચારીની બેસિક સેલરી પ્લસ ડીએનું 12% કોન્ટ્રીબ્યૂશન આપે છે. કંપનીના 12% યોગદાનમાંથી 3.67% કર્મચારીના પીએફ ખાતામાં જાય છે અને બાકીના 8.33% કર્મચારી પેન્શન યોજનામાં જાય છે. EPF ખાતા પર વાર્ષિક 8.50% વ્યાજ મળી રહ્યું છે.

શું હોય છે નંબર?

કર્મચારી પ્રોવિડન્ટ ફંડ ઓર્ગેનાઇઝેશન (EPFO)માં રજિસ્ટર્ડ થયા બાદ કર્મચારી આ સંસ્થાનો સભ્ય બને છે અને તેની સાથે તેને 12 અંકનો UAN (યુનિવર્સલ એકાઉન્ટ નંબર) પણ આપવામાં આવે છે. આ નંબરની મદદથી EPFO​​ની સુવિધાઓનો ઓનલાઇન ઉપયોગ કરી શકાય છે. યુએએન નંબરની મદદથી કર્મચારી તેના પીએફ ખાતાની પાસબુક ઓનલાઈન જોઈ શકે છે સાથે જ તે તેના પીએફ (પ્રોવિડન્ડ ફંડ) બેલેન્સને ઓનલાઈન ચેક પણ કરી શકે છે.