EPFOએ પોતાના સબ્સ્ક્રાઇબર્સ માટે ઇ-નોમિનેશન ફરજિયાત બનાવ્યું છે. ઈ-નોમિનેશન કરવાથી ખાતાધારકના પરિવારને સામાજિક સુરક્ષા મળે છે. તેની સાથે જ આનાથી 7 લાખ રૂપિયા સુધીનો ફાયદો પણ મળે છે. જાણો કઈ રીતે.
EPFO એકાઉન્ટમાં ઈ-નોમિનેશન કરાવવું જરૂરી
7 લાખ રૂપિયા સુધી મળશે ફાયદો
જાણો કઈ રીતે કરાવી શકો છો ઈ-નોમિનેશન
જો તમે ક્યાંક જોબ કરો છો અને તમારૂ પીએફ એકાઉન્ટ છે તો તમારા માટે જરૂરી ખબર છે. કર્મચારી ભવિષ્ય નિધિ સંગઠને પોતાના સબ્સક્રાઈબર્સ માટે ઈ-નોમિનેશન જરૂરી કરાવી લીધુ છે. વગર ઈ-નોમિનેશને તમે પીએફ એકાઉન્ટનું બેલેન્સ ચેક નહીં કરી શકો. આ સાથે જ તમે અન્ય ઘણા લાભો પણ મેળવી શકશો નહીં. એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)એ તેના ગ્રાહકો માટે ઈ-નોમિનેશન ફરજિયાત બનાવ્યું છે.
ઇ-નોમિનેશન કરાવવું ફરજીયાત
તમને જણાવી દઈએ કે EPFO ખાતામાં ઈ-નોમિનેશન કરવાથી ખાતાધારકના પરિવારને સામાજિક સુરક્ષા મળે છે. ઇપીએફઓ નોમિનીની માહિતી આપવા માટે ઇ-નોમિનેશનની સુવિધા પણ આપી રહ્યું છે. જે લોકોનું આમા નોમિનેશન નથી તેમને તક આપવામાં આવી રહી છે. તેમાં નોમિનીનું નામ, જન્મ તારીખ જેવી માહિતી ઓનલાઈન અપડેટ કરવામાં આવશે.
EPFO એ તેના સબ્સ્ક્રાઇબર્સને કહ્યું છે કે EPF ખાતાધારકે ઈ-નોમિનેશન (EPF/EPS nomination)કરવું જોઈએ. આમ કરવાથી તે નોમિની/પરિવારના સભ્યોને ખાતાધારકના મૃત્યુ પર PF, પેન્શન (EPS) અને વીમા (EDLI) સંબંધિત નાણાં ઉપાડવામાં મદદ મળે છે. આ સાથે, નોમિની ઓનલાઈન પણ ક્લેઈમ કરી શકે છે.
આ પણ મળશે ફાયદો
EPFO સબ્સ્ક્રાઇબર્સને ઇન્સ્યોરન્સ કવરની પણ સુવિધા એમ્પ્લોઈ ડિપોઝિટ લિંક્ડ ઈન્શ્યોપન્સ સ્કીમ હેઠળ મળે છે. સ્કીમમાં નોમિનીને મહત્તમ રૂ. 7 લાખનું વીમા કવર ચૂકવવામાં આવે છે. જો કોઈ પણ નોમિનેશન વિના સભ્ય મૃત્યુ પામે છ. તો દાવાની પ્રક્રિયા કરવામાં મુશ્કેલીઓ આવે છે.
કઈ રીતે કરી શકાય છે ઈ-નોમિનેશન?
EPF/EPS nomination માટે સૌથી પહેલા EPFOની ઓફિશિયલ વેબસાઈટ https://www.epfindia.gov.in/ પર જાઓ.
હવે અહીં Services સેક્શનમાં FOR EMPLOYEES પર ક્લિક કરો અને Member UAN/Online Service (OCS/OTCP) પર ક્લિક કરો.
હવે એક નવું પેજ ખુલસે તેના પર UAN અને પાસવર્ડથી લોગ ઈન કરો.
Manage Tab હેઠળ E-Nominationને સિલેક્ટ કરો. આમ કરવાથી સ્ક્રીન પર Provide Details ટેબ સામે આવશે પછી Save પર ક્લિક કરો.
હવે ફેમિલી ડેક્લેયરેશન માટે Yes પર ક્લિક કરો. પછી Add family details પર ક્લિક કરો.
અહીં કુલ એમાઉન્ટ શેર કરવા માટે Nomination Details પર ક્લિક કરો. પછી Save EPF Nomination પર ક્લિક કરો.
હવે અહીં OTP જનરેટ કરવા માટે E-sign પર ક્લિક કરો. હવે આધારમાં લિંક્ડ રજીસ્ટર્ડ મોબાઈલ નંબર પર આવેલો ઓટીપી નાખો.
આમ કરતા જ તમને ઈ-નોમિનેશન EPFOની સાથે રજીસ્ટર્ડ થઈ જશે. ત્યાર બાદ તમારે કોઈ હાર્ડ કોપી ડોક્યુમેન્ટ મોકલવાની જરૂર નહીં રહે.