કર્મચારી ભવિષ્ય નિધિ સંગઠન (EPFO)માં એસએસઓ અને સ્ટેનોગ્રાફરની 2859 પદો પર ભરતી કરવામાં આવશે.
કર્મચારી ભવિષ્ય નિધિ સંગઠન (EPFO)માં ભરતી
એસએસઓ અને સ્ટેનોગ્રાફરની 2859 પદો પર ભરતી કરવામાં આવશે
27 માર્ચથી 26 એપ્રિલ સુધી ભરી શકાશે ફોર્મ
સરકારી નોકરીની તૈયારી કરી રહેલા ઉમેદવારો માટે મહત્વના સમાચાર સામે આવી રહ્યા છે. તૈયારી કરતા ઉમેદવારોને કર્મચારી ભવિષ્ય નિધિ સંગઠન એટલે (EPFO) જોડાવા માટે સુવર્ણ તક મળી રહે છે આ માટે ઇપીએફઓએ હજારો પોસ્ટ માટે મોટે પાયે ભરતી પ્રક્રિયા હાથ ધરી છે. જેના પરિણામે એસએસઓ અને સ્ટેનોગ્રાફરની 2859 પદો પર ભરતી કરવામાં આવશે. જેમા અરજી કરવા માંગતા અરજદારોએ સત્તાવાર રીતે epfindia. gov.in પર મુલાકાત લઈ અરજી કરી શકાશે. વેબસાઈટની મુલાકાત લઇ ઈચ્છુક અને લાયકાત ધરાવતા ઉમેદવારો ઓનલાઇન અરજી ફોર્મ ભરવાનું રહેશે.
27 માર્ચથી 26 એપ્રિલ 2023 સુધી કરી શકાશે અરજી
ભરતી વિશે વિગતવાર વાત કરવામાં આવે તો 2859 પદ પર થઈ રહેલી આ ભરતીમાં 2674 જગ્યા પર સામાજિક સુરક્ષા સહાયક ની જગ્યા અને સ્ટેનોગ્રાફર માટે 185 જગ્યાઓનો સમાવેશ કરવામાં આવ્યો છે. આ પદ માટે ઈચ્છુક ઉમેદવાર આગામી તારીખ 27 માર્ચથી 26 એપ્રિલ 2023 સુધીના સમયગાળા દરમિયાન ઓનલાઇન અરજી કરી શકશે.
વય મર્યાદા 18 થી 27 વર્ષ સુધી
શૈક્ષણિક લાયકાતની વાત કરવામાં આવે તો સામાજિક સુરક્ષા સહાયકની જગ્યા માટે ઈચ્છુક ઉમેદવારોએ ગ્રેજ્યુએશન પૂર્ણ કરેલું હોવું ફરજિયાત છે. બીજી બાજુ સ્ટેનોગ્રાફરની વાત કરવામાં આવે તો ઉમેદવારોએ 12 પાસ કરેલું હોવું આવશ્યક છે. ઉમેદવારની વય મર્યાદા 18 થી 27 વર્ષની જ હોવી જોઈએ અને અનામત કેટેગરીમાં ઉમેદવારને અમુક છૂટછાટ અપાય છે.
700 રૂપિયા અરજી ફ્રી
ઉપરાંત જનરલ, ઇડબ્લ્યુએસ અને ઓબીસી વર્ગમાં આવતા ઉમેદવારો જે અરજી કરશે તેમના માટે 700 રૂપિયા અરજી ફ્રી રાખવામા આવી છે. જ્યારે એસસીએસટી અને મહિલા વર્ગના ઉમેદવારો માટે નિઃશુલ્ક ફોર્મ ભરી શકાશે. જગ્યા માટે લાયક બનવા ઉમેદવારોએ બે તબક્કાની પરીક્ષામાંથી પસાર થવું પડશે.