EPFOની એમ્પ્લોયી ડિપોઝિટ લિંક્ડ સ્કીમ એ એક ખાસ પ્રકારનું ડેથ ઈન્શ્યોરન્સ કવર છે. જાણો તેના વિશે ડિટેલ્સમાં
EPFO આપે છે ખાસ ડેથ ઈન્શ્યોરન્સ
4.50 કરોડથી વધારે લોકો EPFOના સદસ્ય
આ એક બેનિફિટ વિશે જાણવું તમારા માટે જરૂરી
દેશની સૌથી મોટા એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) નોકરી કરતા લોકોને ઘણી સુવિધાઓ પૂરી પાડી રહ્યું છે. હાલમાં 4.50 કરોડથી વધુ લોકો EPFOના સદસ્યો છે. એક તરફ જ્યાં તેનો વ્યાજ દર સૌથી વધુ છે. તો બીજી તરફ આજે અમે આને લગતી એવી માહિતી આપી રહ્યા છીએ જે તમારા કામની સાબિત થઈ શકે છે.
શું છે ડિપોઝિટ લિંક્ડ સ્કીમ?
આજે આ સમાચારમાં અમે EPFOની એમ્પ્લોયી ડિપોઝિટ લિંક્ડ સ્કીમ વિશે ચર્ચા કરી રહ્યા છીએ. આ યોજના હેઠળ પીએફ ખાતાધારકોને 7 લાખ રૂપિયા સુધીનું મફત વીમા કવચ આપવામાં આવે છે. આ સાથે દરેક પ્રકારના સભ્યોને મફત ઈન્શ્યોરન્સ કવર મળે છે.
શું છે ડેથ ઈન્શ્યોરન્સ
EPFOની એમ્પ્લોઈઝ ડિપોઝિટ લિંક્ડ સ્કીમ એ એક ખાસ પ્રકારનું મૃત્યુ વીમા કવર છે. આ યોજનાનો લાભ કોઈ લેવા માંગતું નથી. આ યોજના હેઠળ પીએફ ખાતાધારકના કમનસીબ મૃત્યુના કિસ્સામાં રજીસ્ટર્ડ નોમિનીને રકમ ચૂકવવામાં આવે છે.
આ યોજના હેઠળ, EPFO સભ્યને 2 લાખ રૂપિયાની એકસાથે ચુકવણી કરવામાં આવે છે. સાથે આ યોજના હેઠળ 7 લાખ રૂપિયા ચૂકવવામાં આવે છે. આ રકમ ફક્ત રજિસ્ટર્ડ નોમિની માટે જ ઉપલબ્ધ છે.
નોમિનીને રજીસ્ટર્ડ ચેક કરો
તમને જણાવી દઈએ કે જો કર્મચારીને ઈડીએલઆઈ સ્કીમ હેઠળ કોઈ નોમિનીને રજીસ્ટર નથી કર્યું તો કરી લો. આવી સ્થિતિમાં સંપૂર્ણ કવરેજ કર્મચારીના જીવન સાથી અથવા તેના દિકરા દિકરીને મળે છે. જોકે ક્લેમ કરનાર વ્યક્તિની ન્યૂનતમ ઉંમર 18 વર્ષ હોવી જરૂરી છે.
ઈ-નોમિનેશન કરાવો
જો તમે ઈપીએફઓના સદસ્યો છો તો આ સ્કીમ હેઠળ જોડાવવા માટે અલગથી કંઈક નહીં કરવું પડે. દરેક પીએફ સદસ્યને જલ્દીથી જલ્દી પોતાના પીએફ ખાતામાં ઈ-નોમિનેશન કરાવી શકે છે. જ્યાર બાદ નોમિનીને વીમા કવરનો લાભ મળે છે.