EPFO દ્વારા ગુરુવારે એક પરિપત્ર જારી કરવામાં આવ્યો હતો જએ મુજબ શેરધારકો અને પેન્શનરોને વધારાના યોગદાન અથવા બાકી રકમની ચુકવણી માટે સંમત થવા માટે ત્રણ મહિનાનો સમય આપવામાં આવશે.
EPFO દ્વારા ગુરુવારે એક પરિપત્ર જારી કરવામાં આવ્યો
છેલ્લી તારીખ લંબાવીને 26 જૂન કરવામાં આવી
આવા પ્રશ્નોના જવાબ હજુ સુધી સ્પષ્ટ થયા નથી
EPFO દ્વારા ઉચ્ચ પેન્શનને લઈને એક નવો પરિપત્ર જારી કરવામાં આવ્યો છે અને એ પ્રમાણે હવે શેરધારકો અને પેન્શનરોને વધારાના યોગદાન અથવા બાકી રકમની ચુકવણી માટે સંમત થવા માટે ત્રણ મહિનાનો સમય આપવામાં આવશે. જણાવી દઈએ કે EPFO દ્વારા ગુરુવારે આ પરિપત્ર જારી કરવામાં આવ્યો છે. આ પહેલા નવેમ્બર 2022 માં સુપ્રીમ કોર્ટે સરકારને ઉચ્ચ પેન્શનનો વિકલ્પ પસંદ કરવા માટે શેરધારકોને 4 મહિનાનો સમય આપવાનો નિર્દેશ આપ્યો હતો.
છેલ્લી તારીખ લંબાવીને 26 જૂન કરવામાં આવી
જણાવી દઈએ કે EPFOએ શેરધારકોને ઉચ્ચ પેન્શનનો વિકલ્પ આપીને નોકરીદાતાઓ સાથે સંયુક્ત વિકલ્પ ફોર્મ બહાર પાડ્યું છે અને મહત્વની વાત એ છે કે ટએ ફોર્મ ભરવા માટે સંસ્થા દ્વારા ઓનલાઈન સુવિધા પણ શરૂ કરવામાં આવી છે આ સાથે જ આ વિકલ્પ પસંદ કરવા માટે નક્કી કરવામાં આવેલી છેલ્લી તારીખ પણ લંબાવવામાં આવી હતી. મહત્વનું છે કે ઉચ્ચ પેન્શન વિકલ્પ પસંદ કરવાની છેલ્લી તારીખ 3 મે હતી, જે વધારીને 26 જૂન કરવામાં આવી છે.
આવા પ્રશ્નોના જવાબ હજુ સુધી સ્પષ્ટ થયા નથી
એક રિપોર્ટ અનુસાર નવા પરિપત્રમાં કહેવામાં આવ્યું છે કે પેન્શનરોને પૈસા જમા કરાવવા અને ફંડ ટ્રાન્સફર કરવા માટે સંમતિ આપવા માટે 3 મહિના સુધીનો સમય મળશે. જો કે, હજી સુધી સ્પષ્ટ નથી કે વધારાના યોગદાનનો વિકલ્પ કેવી રીતે કાર્ય કરશે અને જો ઉચ્ચ પેન્શનનો વિકલ્પ પસંદ કરવામાં આવે તો ચુકવણીની પ્રક્રિયા શું હશે? સાથે જ જો વધુ રકમ માંગવાની પરિસ્થિતિ હશે? તો શું તેમને ઉચ્ચ પેન્શન યોજનામાંથી બહાર નીકળવાનો વિકલ્પ મળશે? આવા ઘણા પ્રશ્નોના જવાબ હજુ સુધી સ્પષ્ટ થયા નથી.
શ્રમ મંત્રાલય દ્વારા સ્પષ્ટ કરવામાં આવ્યું હતું કે ઉચ્ચ પેન્શન પસંદ કરનારાઓના મૂળ પગારના 1.16% નો વધારાનો ફાળો EPFO-માં નોકરીદાતાના યોગદાનમાંથી લેવામાં આવશે. હાલ સરકાર 15,000 રૂપિયાની મૂળભૂત પગાર મર્યાદા પર કર્મચારી પેન્શન યોજનામાં સબસિડીના રૂપમાં 1.16 ટકા ફાળો આપે છે અને કર્મચારીઓ EPFOની સામાજિક સુરક્ષા યોજનામાં 12 ટકા યોગદાન આપે છે, જ્યારે એમ્પ્લોયર દ્વારા 12 ટકા યોગદાનમાંથી, 8.33 ટકા EPS અને 3.67 ટકા કર્મચારી ભવિષ્ય નિધિમાં જાય છે.