તમારા કામનું / PF ખાતામાં ક્લેમ હવે રિજેક્ટ નહી થાય, EPFOએ બહાર પાડી નવી ગાઈડલાઈન્સ, જાણો સંપૂર્ણ વિગત

• EPFOએ ક્લેમ જલ્દી મેળવવા માટે નવી ગાઈડલાઈન જાહેર કરી
• નકારી કાઢવામાં આવેલ દાવાઓનો ઉકેલ આવશે વહેલીતકે આવશે
• EPF દાવા પર ઝડપી કાર્યવાહી થશે સમયસર ક્લેમ આપવામાં આવશે

સામાન્ય રીતે, EPF સબ્સ્ક્રાઇબર્સની એક જ ફરિયાદ હોય છે કે તેમને તેમના EPF ના પૈસા મેળવવા માટે લાંબા સમય સુધી રાહ જોવી પડે છે. તેમનો EPF દાવો ઘણી વખત નકારી કાઢવામાં આવ્યો છે. કર્મચારીઓની આ ફરિયાદોને ધ્યાનમાં રાખીને હવે EPFOએ ક્લેમ જલ્દી મેળવવા માટે નવી ગાઈડલાઈન જાહેર કરી છે. આ ગાઈડલાઈનનું તમામ સ્થાનિક ઈપીએફઓ ઓફિસોએ ચુસ્તપણે પાલન કરવાનું રહેશે.

વારંવાર ક્લેમ રીજેક્ટ કરવામાં આવે છે
EPFO ની માર્ગદર્શિકામાં કહેવામાં આવ્યું છે કે સ્થાનિક કાર્યાલયે EPF દાવા પર ઝડપી કાર્યવાહી કરવી જોઈએ અને સભ્યોને સમયસર ક્લેમ આપવો જોઈએ. ઉપરાંત, તેઓએ વારંવાર દાવો નકારવો જોઈએ નહીં. અધિકારીઓને દાવો કરવામાં બિનજરૂરી વિલંબ ન કરવા સૂચના આપવામાં આવી છે. ઘણીવાર એવું જોવામાં આવ્યું છે કે ઘણી વખત કર્મચારીઓના પીએફ ક્લેમ એક યા બીજા કારણોસર રદ થઈ જાય છે. કર્મચારીને પૈસાની જરૂર છે, પરંતુ સમયસર પૈસા મળતા નથી અને મુશ્કેલીનો સામનો કરવો પડે છે.

દાવાની સંપૂર્ણ તપાસ થશે
એક રિપોર્ટ અનુસાર, EPFOએ કહ્યું છે કે જ્યારે કોઈ દાવો દાખલ કરવામાં આવે છે, ત્યારે તે દાવાની શરૂઆતમાં જ સંપૂર્ણ તપાસ થવી જોઈએ. જો દાવો દાખલ કરતી વખતે કેટલીક ખામીઓ રહી ગઈ હોય, તો પ્રથમ કિસ્સામાં જ દાવો નામંજૂર કરતી વખતે તે સભ્યને જણાવવું જોઈએ. અત્યાર સુધી શું થાય છે કે વિવિધ કારણો આપીને દાવો ઘણી વખત નકારી કાઢવામાં આવે છે. જેના કારણે ક્લેમ મળવામાં વિલંબ તો થાય જ છે, સાથે જ કર્મચારી માટે પણ મુશ્કેલીનો સામનો કરવો પડે છે.

EPFO ની નવી માર્ગદર્શિકા
EPFO ની નવી માર્ગદર્શિકામાં એવું કહેવામાં આવ્યું છે કે ફિલ્ડ ઑફિસ આ જ કારણસર નકારવામાં આવેલા તમામ દાવાઓને સમીક્ષા માટે ઝોનલ ઑફિસને મોકલશે. દાવાની પ્રક્રિયા નિર્ધારિત સમયમાં કરવામાં આવશે. જો દાવો નકારી કાઢવામાં આવ્યા પછી ફરીથી ફાઇલ કરવામાં આવે તો, તે અન્ય કોઈ કારણ આપીને નકારવામાં આવશે નહીં. દાવાની તમામ ખામીઓ હવે એક જ વારમાં દાવો દાખલ કરનાર કર્મચારીને જણાવવી પડશે.

એક જ વારમાં બધી ખામી જણાવવી પડશે
લાંબા સમયથી ફરિયાદ ક્લેમ મેળવવામાં વિલંબની ફરિયાદો ઘણા સમયથી આવી રહી છે . કર્મચારીઓનું કહેવું છે કે EPFOની સ્થાનિક અને ઝોનલ ઓફિસો ક્લેમ પ્રોસેસ કરવામાં ઘણો સમય લે છે. ઘણી વખત વાંધો ઉઠાવીને દાવો ફગાવી દેવામાં આવે છે. દાવો દાખલ કરતી વખતે જે ખામીઓ રહે છે તે એક જ વારમાં જણાવવામાં આવતી નથી.