રિટાયરમેન્ટ બાદ કર્મચારીઓને પેન્શનથી જોડાયેલી નાની નાની બાબતોમાં પણ ઓફિસના ચક્કર કાપવા પડે છે પરંતુ આ સમસ્યાને સમાપ્ત કરવા માટે EPFO નવી સુવિધા લઇને આવ્યુ છે.
EPFO લાવ્યુ નવી સુવિધા
દરેક પ્રશ્નનો જવાબ મળશે પોર્ટલ પર
PPO નંબરની હોય છે ખાસ જરૂર
EPFOએ પોતાના પોર્ટલ પર પેન્શનર્સના બધા જ સવાલોના જવાબ મળી જાય તેના માટેની સુવિધા શરૂ કરી છે.
જીવન પ્રમાણ સંબંધી પૂછપરછ
પેન્શનર્સને દર વર્ષે પીએફ ઓફિસમાં જીવીત પ્રમાણપત્ર જમા કરાવવાનુ હોય છે. જેના કારણે તેમને ઓફિસના ચક્કર લગાવવા પડે છે પરંતુ હવે જીવન પ્રમાણપત્ર સંબંધી બધી જ જાણકારી પોર્ટલ પર ઉપલબ્ધ થશે.
PPO નંબર
PPOની મદદથી રિટાયરમેન્ટ બાદ પેન્શનર્સને પેન્શન મળે છે. આ એક 12 ડિજીટનો નંબર હોય છે. જે સેન્ટ્રલ પેન્શન અકાઉંટીંગ ઓફીસને કંઇ પણ કમ્યૂનિકેટ કરવા માટે હોય છે. પેન્શનર્સની પાસબૂકમાં આ નંબર હોય છે. બેન્કની એક બ્રાંચમાંથી બીજી બ્રાંચમાં અકાઉન્ટ ટ્રાંસફર કરવા માટે પણ આ નંબર ખૂબ જરૂરી છે.
PPO સંબંધિત જાણકારી
કર્મચારી પોતાના પીપીઓ સંબંધી જાણકારી પણ અહીંથી જ પ્રાપ્ત કરી શકશે. સાથે જ પૈસા સંબંધિ માહીતી પણ અહીંથી જ મળી જશે.
પેન્શનની સ્થિતિ
આ સુવિધાની મદદથી પેન્શનની હાલની શું સ્થિતિ છે તે પેન્શનર્સ આસાનીથી જાણી શકશે. તેના માટે ઑફીસના ચક્કર કાપવાની જરૂર નથી.
જીવન પ્રમાણપત્ર સ્ટેટસ
પેન્શનર્સ આ લિંકને https://mis.epfindia.gov.in/PensionPaymentEnquiry/ ઓપન કરીને પોર્ટલ પર જીવન પ્રમાણપત્ર, પેમેન્ટ સંબંધિત કોઇ પણ જાણકારી મેળવી શકશે. પેન્શનનુ સ્ટેટસ હોય કે પછી અન્ય કોઇ માહીતી, બધી જ માહીતી આ પોર્ટલ પર મળી જશે. તે સિવાય પણ જો કોઇ અન્ય કામ માટે તમારે પેન્શન ઓફીસ જવુ પડે તો માત્ર તે જ પર્ટીક્યુલર કામ માટે જવાનુ રહેશે. બાકી બધા જ કામ આ પોર્ટલ પરથી થઇ જશે. જ્યારે પણ જે કામ માટે ઑફીસ જવાનુ થાય માત્ર એજ કામ કરીને પાછા આવવાથી તમારો સમય બચી જશે.