Good News / કરોડો PF ખાતાધારકો માટે આવ્યા ગુડ ન્યૂઝ, EPFOએ કરી આ જાહેરાત

EPFOની આ જાહેરાતથી કર્મચારીઓને મોટી રાહત મળી છે કારણ કે હવે કામદારો પોતે જ UAN નંબર EPFO વેબસાઇટ પરથી ઓનલાઈન મેળવી શકશે. 

65 લાખ પેન્શનરોને વિશેષ સુવિધા

આ ઉપરાંત EPFO એ ડિજિલોકરમાં 65 લાખ પેન્શનરો માટે પેન્શન ચુકવણી ઓર્ડર જેવા પેન્શન સંબંધિત અન્ય દસ્તાવેજો ડાઉનલોડ કરવાની સુવિધા પણ શરૂ કરી દીધી છે. શ્રમપ્રધાન સંતોષ ગંગવારે EPFOના 67મા સ્થાપના દિવસ પર દિલ્હીમાં આ બંને સુવિધાઓ રજૂ કરી હતી. તેણે ઈ-નિરીક્ષણની પણ શરૂઆત કરી છે. 

રિટાયર્મેન્ટની ઉંમર પણ વધારવાની તૈયારીમાં

તાજેતરમાં જ કેટલાક મીડિયા અહેવાલોમાં કહેવામાં આવ્યું હતું કે EPFO પેન્શન વયમર્યાદા 58 વર્ષથી વધારીને 60 વર્ષ કરી શકે છે. આ માટે, ઇપીએફ એક્ટ 1952 માં ફેરફાર કરવામાં આવી રહ્યા છે. આ બદલવા પાછળનું મોટું કારણ વિશ્વભરમાં નક્કી કરાયેલી ઉંમર છે. વિશ્વના મોટાભાગના પેન્શન ફંડ્સમાં, પેન્શનની ઉંમર 65 વર્ષ નક્કી કરવામાં આવી છે, તેથી જ તે બદલવા માટે તૈયાર છે. જો ઇપીએફઓ આ પગલું ભરે છે, તો રોજગારીની નિવૃત્તિ વયમાં પણ 2 વર્ષનો વધારો થઈ શકે છે બોર્ડની મંજૂરી મળ્યા બાદ પ્રસ્તાવ કેબિનેટ મંજૂરી માટે મોકલવામાં આવશે.