સરાહનીય નિર્ણય / તમારા ઘરે પણ પેન્શન આવતું હોય તો આ જાણી લેજો, EPFOએ આપ્યા મોટા ગુડ ન્યૂઝ

• EPFO એ દૂર કર્યુ પેન્શન ધારકોનું ટેન્શન
• પેન્શન ધારકોને માર્ચ છોડીને દર મહિને અંતિમ કાર્ય દિવસ પહેલા પેન્શન મળશે
• RBIના નિર્દેશોને ધ્યાનમાં રાખી કરાયા મહત્વપૂર્ણ નિર્ણયો

મહિનો સમાપ્ત થયા પહેલા મળશે પેન્શન 

મહિનો પસાર થયા બાદ પણ તેમના ખાતામાં પેન્શનના રૂપિયા જમા થતા નહોતા. ઈપીએફઓએ પેન્શન ધારકોની આ સમસ્યાનું સંજ્ઞાન લઇને ગયા અઠવાડિયે એક સર્ક્યુલર જાહેર કર્યો. હવે એવા ઉપાય કરવામાં આવ્યા છે કે પેન્શન ધારકોને માર્ચ છોડીને અન્ય બધા મહિનામાં અંતિમ કાર્ય દિવસ અથવા તેની પહેલા પેન્શન મળી જશે. માર્ચ મહિનાના મામલામાં પેન્શન એક એપ્રિલ અથવા ત્યારબાદ પણ જમા કરી શકાય છે. 

ફીલ્ડ ઓફિસર્સને આપ્યાં આ નિર્દેશ

ઈપીએફઓએ જણાવ્યું કે પેન્શન ડિવીઝને આ મુશ્કેલી પર વિચાર કર્યો. ત્યારબાદ આરબીઆઈના નિર્દેશોને ધ્યાનમાં રાખીને કેટલાંક મહત્વના નિર્ણયો કરાયા. બધા ફીલ્ડ ઓફિસર્સને કહેવામાં આવ્યું છે કે તેઓ બેન્કોને માસિક બીઆરએસ મોકલતી સમયે આ વાતનું ધ્યાન રાખે કે પેન્શન ધારકોના ખાતામાં સમયસર પૈસા જમા થઇ જાય. પેન્શનની રકમ દર મહિનાના અંતિમ વર્કિગ ડે પર અથવા તેની પહેલા લાભાર્થીના બેન્ક એકાઉન્ટમાં જમા થઇ જવુ જોઈએ.