કર્મચારી ભવિષ્ય નિધિ સંગઠન (EPFO) એ રોજગારને લઇને એક નવો ડેટા જાહેર કર્યો છે. ઇપીએફઓનો દાવો છે કે, દર મહીને 5.14 લાખ લોકોને નોકરી મળી રહી છે. વર્તમાન નાણાકીય વર્ષમાં નવેમ્બર મહીના સુધી 62.38 લાખ લોકોને ઔપચારિક ક્ષેત્રમાં નોકરી મળી છે.
કર્મચારી ભવિષ્ય નિધિ સંગઠન (EPFO) એ રોજગારને લઇને એક નવો ડેટા જાહેર કર્યો
વર્ષ 2019માં નવેમ્બર મહીનામાં 11.62 લાખ લોકોને નોકરી મળી
ઇપીએફઓ (EPFO) એ કહ્યું છે કે, આ ડેટા અંતિમ નથી
વર્ષ 2019માં નવેમ્બર મહીનામાં 11.62 લાખ લોકોને નોકરી મળી. આ મહીને જ વર્ષ 2018માં 4.3 લાખ લોકોને નોકરી મળી હતી. તથા ઓક્ટોબર 2019માં 6.48 લાખ લોકોને નોકરી મળી. જોકે આ અંતિ ડેટા નથી. ઇપીએફઓ (EPFO) દર મહીને ડેટાને સંશોધિત કરે છે.
બિઝનેસ ટુડેની એક રિપોર્ટમાં બતાવાયું છે કે, આંકડા અનુસાર સપ્ટેમ્બર 2017થી નવેમ્બર 2019 સુધી ઇપીએફઓની સામાજિક સુરક્ષા યોજનાઓમાં લગભગ 1.39 કરોડ નવા ગ્રાહક જોડવામાં આવ્યા. આ દેખાડે છે કે, આ નોકરીઓનું ઔપચારિક ક્ષેત્રમાં ગત 27 મહીનાઓમાં સર્જન થયું હતું. સપ્ટેમ્બર 2017 અને માર્ચ 2018ની વચ્ચે 15.53 લાખ નોકરીઓનું સર્જન થયું. નાણાકીય વર્ષ 19માં 61.12 લાખ નોકરીઓનું સર્જન થયું. જ્યારે વર્તમાન નાણાકીય વર્ષમાં નવેમ્બર 2019 સુધી 62.38 લાખ નોકરીઓનું સર્જન કરવામાં આવ્યું. આ આંકડાઓ અનુસાર દર મહીને સરેરાશ 5.14 લાખ લોકોને નોકરીઓ મળી રહી છે.
જોકે, ઇપીએફઓ (EPFO) એ કહ્યું છે કે, આ ડેટા અંતિમ નથી કેમકે કર્મચારીઓના રેકોર્ડનું અપડેશન સતત ચાલતુ રહે છે. ઇપીએફઓ અનુસાર વર્તમાન નાણાકીય વર્ષમાં 4.89 લાખ નોકરીઓમાં ઘટાડો આવ્યો છે.
સૌથી વધારે ઘટાડો જુલાઇમાં 94,889, ઓક્ટોબરમાં 91415 અને સપ્ટેમ્બરમાં 80,686 થયો છે. હાલમાં જ એસબીઆઇ (SBI)એ પોતાની Ecowrap રિપોર્ટમાં કહ્યું હતું કે, આર્થિક વિકાસની ધીમી ગતિથી નોકરીઓ પર સીધી અસર પડશે. તેના કારણે 2019-20 દરમિયાન ઓછામાં ઓછી 16 લાખથી વધુ નોકરીઓમાં ઘટાડો થશે.