કામની ખબર / હવે લેજો રાહતનો શ્વાસ, EPFOએ વધારે પેન્શન માટે અરજી કરવાની ડેડલાઈન વધારી, જાણો ક્યાં સુધી

• હાયર પેન્શન મેળવવા માટે અરજીના સમયમાં વધારો કરાયો
• 26 જૂન સુધી પેન્શન મેળવવા ઓનલાઈન અરજીઓ કરી શકાશે
• ત્રીજી મેના રોજ સમય મર્યાદા પૂર્ણ થતા સમયમાં વધારો કરાયો

કર્મચારી ભવિષ્ય નિધિ સંગઠન (EPFO)એ હાયર પેન્શન મેળવવા માટે અરજી કરવા માટેના સમયમાં વધારે કર્યો છે જેની ડેડલાઈન 23 જૂન સુધી કરાઈ છે. EPFOએ મંગળવાર સાંજે એક નિવેદન બહાર પાડ્યું છે જેમાં ત્રીજી મેના રોજ સમયમર્યાદા પૂરા થવા મામલે સમય વધારો કરી 26 જૂન 2023 સુધી લંબાવ્યું છે. હવે કર્માચારીઓ 26 જૂન સુધી પેન્શન મેળવવા ઓનલાઈન અરજીઓ કરી શકાશે. 

EPFO extends deadline to apply for higher pension till June 26

— Press Trust of India (@PTI_News) May 2, 2023

26 જૂન 2023 સુધી અરજી કરી શકાશે
તમને જણાવી દઈએ કે, EPFOએ ઉચ્ચતમ ન્યાયલયના 4 નવેમ્બર 2022ના રોજ પેન્શન સંબંધી નિર્ણય અંગે અમલ કરતા ખાતાધારકો અને સેવાનિવૃત થયેલા કર્મચારીને 3 મે સુધી ઓનલાઈન અરજીઓ કરવા માટે જણાવાયું હતું. જે નિર્ણય અંગે કોર્ટે કહ્યું હતું કે, EPFOએ તેના હયાત અને પૂર્વ ખાતાધારકોને અધિક પેન્શનો વિકલ્પ આપવો જોઈએ. 

પેન્શન ધારકોને અરજી કરવા માટે પુરતો સમય મળી રહશે
જેને ધ્યાને લેતા કેટલીક વ્યવસ્થા અને શર્તો પણ રાખવામાં આવી હતી. વધુમાં તમને જણાવી દઈએ કે, આ મામલે કર્મચારી સંગઠનો અને પ્રતિનિધીઓએ EPFOને સમય વધારવાની માંગ પણ કરી હતી. જે તમામ બાબત જોતા અધિક પેન્શન માટે ઓનલાઈન અરજીઓ માટે સમય મર્યાદા વધારી 26 જૂન કરવાનો નિર્ણય કરવામાં આવ્યો છે. EPFOએ કહ્યું કે,  કર્મચારી, ખાતાધારકો અને સંગઠનો દ્વારા આવેલી માંગ પર વિધિવત રીતે વિચાર કર્યા બાદ સમય મર્યાદા વધારવામાં આવી છે. જેનાથી ખાતાધરકો અને પેન્શન ધારકોને અરજી કરવા માટે પુરતો સમય મળી રહશે