તમારા કામનું / ALERT! PF અકાઉન્ટ હોય તો ખાસ વાંચો, 31 ડિસેમ્બર સુધી પતાવી લેજો આ કામ, નહીંતર પસ્તાશો 

• પીએફ ખાતાધારકો માટે, સમયમર્યાદા 31 ડિસેમ્બરે સમાપ્ત થઈ રહી છે.
• EPFOએ ખાતાધારકો માટે તેમના ખાતામાં નોમિની ઉમેરવાનું ફરજિયાત બનાવ્યું 
• EPFOની આ કવાયત PF ખાતાધારકોના આશ્રિતોને સુરક્ષા પૂરી પાડવાની છે.

પીએફ ખાતાધારકો માટે, સમયમર્યાદા 31 ડિસેમ્બરે સમાપ્ત થઈ રહી છે.

મહત્વનું છે કે, કર્મચારી ભવિષ્ય નિધિ સંગઠન અથવા EPFO ​​એ તમામ પીએફ ખાતાધારકો માટે નોમિની ઉમેરવાનું ફરજિયાત બનાવ્યું છે. જો આ કામ 31 ડિસેમ્બર 2021 સુધીમાં કરવામાં નહીં આવે તો પીએફ ખાતાધારકોને ઘણી મુશ્કેલીઓનો સામનો કરવો પડી શકે છે.

EPFOની આ કવાયત PF ખાતાધારકોના આશ્રિતોને સુરક્ષા પૂરી પાડવાની છે.

જો પીએફ ખાતાધારકો સાથે કંઈક અપ્રિય થાય છે, તો નોમિનીને વીમા અને પેન્શન જેવા લાભો મળે છે. તાજેતરમાં EPFOએ કહ્યું હતું કે, “EPFO સબસ્ક્રાઈબરોએ તેમના પરિવારની સામાજિક સુરક્ષા માટે ઈ-નોમિનેશનની સુવિધાનો લાભ લેવો જોઈએ.પ્રોવિડન્ટ ફંડ, પેન્શન અને વીમા સેવાઓ ઓનલાઈન મેળવવા માટે તમારું ઈ-નોમિનેશન ફાઈલ કરો. સબ્સ્ક્રાઇબર માટે તેની પત્ની, બાળકો અને માતા-પિતાની સંભાળ રાખવા અને ઓનલાઈન પીએફ, પેન્શન અને ઈન્સ્યોરન્સ દ્વારા તેમની સુરક્ષા કરવા માટે તેનું નોમિનેશન ફાઈલ કરવું અત્યંત મહત્વપૂર્ણ છે.”

PF ખાતાધારકો એક કરતા વધુ નોમિનીનું નામ ઉમેરી શકે છે

PF ખાતાધારકો નોમિનીને ઓનલાઈન ઉમેરવાનું કામ પણ કરી શકે છે. EPFO આ સુવિધા આપે છે કે PF ખાતાધારકો એક કરતા વધુ નોમિનીનું નામ ઉમેરી શકે છે. આ ઉપરાંત, ખાતાધારકો નોમિની દ્વારા પ્રાપ્ત થનાર હિસ્સો પણ નક્કી કરી શકે છે.
 
આ રીતે નોમિનેશન ઉમેરો

•  સૌથી પહેલા EPFOની ઓફિશિયલ વેબસાઈટ ઓપન કરો.
•  હવે તમારે UAN અને પાસવર્ડ દ્વારા લોગ ઇન કરવાનું રહેશે.
•  મેનેજ સેક્શનમાં જાઓ અને લિંક ઈ-નોમિનેશન પર ક્લિક કરો.
•  હવે નોમિનીનું નામ અને અન્ય વિગતો ભરો.
•  એક કરતાં વધુ નોમિની ઉમેરવા માટે, Add New બટન પર ક્લિક કરો.
•  આ પછી તમે Save Family Details પર ક્લિક કરો કે તરત જ પ્રક્રિયા પૂરી થઈ જાય છે.