EPFO પૈસા ઉપાડવાની પ્રક્રિયાને સરળ અને ઝડપી બનાવવા જઈ રહ્યું છે. EPFO 24 કલાકમાં ક્લેમ સેટલમેન્ટનું કામ પૂર્ણ કરવાનો પ્રયાસ કરી રહ્યું છે. એક મીડિયા રિપોર્ટ અનુસાર, EPFOએ તેનું માળખું તૈયાર કરી લીધું છે.
EPFO લાવી રહ્યું નવી સર્વિસ
હવે 1 જ દિવસમાં ખાતામાં જમા થઈ જશે પૈસા
જાણો તેના માટે શું છે અપડેટ
EPFO એવી સિસ્ટમ પર કામ કરી રહ્યું છે જેમાં મેમ્બરને ઓછામાં ઓછા સમયમાં પૈસા મળી જશે. EPF ના પૈસા પણ ક્લેમના એ જ દિવસે મેમ્બરના ખાતામાં જમા થશે. અત્યારે તેનો સમયગાળો 3-5 દિવસનો છે અને સામાન્ય રીતે ખાતામાં પૈસા આવવામાં એક સપ્તાહનો સમય લાગે છે.
અરજી કર્યા પછી તેને મંજૂર થવામાં અને વિડ્રોવના નાણાં જમા થવામાં 7 દિવસ જેટલો સમય લાગે છે. પરંતુ EPFO જે નવી સિસ્ટમ તૈયાર કરી રહ્યું છે. તેમાં તે જ દિવસે વિડ્રોવ ક્લેમના દિવસે જ મેમ્બરના ખાતામાં પૈસા જમા થઈ જશે.
EPFO સાથે જોડાયેલા ખાતામાં પૈસા જમા કરવામાં આવશે અને આ માટે મેમ્બરને કોઈ કાગળની જરૂર પડશે નહીં. જો આવું થાય છે તો તે EPFOનો મોટો સુધારો હશે કારણ કે EPFOમાંથી પૈસા ખૂબ જ મહત્વપૂર્ણ કામ માટે ઉપાડવામાં આવે છે. જો આમાં વિલંબ નહીં થાય તો લોકોને મોટી રાહત મળશે.
અત્યારે નિયમ એવો છે કે ઉપાડનું ફોર્મ ઓનલાઈન કે ઓફલાઈન ભરવામાં આવે છે. તેમાં યુનિવર્સલ એકાઉન્ટ નંબર એટલે કે UANની મોટી ભૂમિકા છે. ફોર્મ ભર્યા બાદ તેને મંજૂરી મળી જાય છે. તે કોઈપણ સંજોગોમાં ફગાવવામાં આવતું નથી.
જો વિડ્રોલ નાણાંની મંજૂરી અને ક્રેડિટ મેળવવામાં બેંક અથવા કોઈપણ સરકારી રજા હોય તો બેથી ચાર દિવસનો વિલંબ થઈ શકે છે. પરંતુ હવે આ પ્રક્રિયા સરળ થવા જઈ રહી છે. EPFO પૈસા ઉપાડવાની પ્રક્રિયાને સરળ અને ઝડપી બનાવવા જઈ રહ્યું છે. EPFO 24 કલાકમાં ક્લેમ સેટલમેન્ટનું કામ પૂર્ણ કરવાનો પ્રયાસ કરી રહ્યું છે. એક મીડિયા રિપોર્ટ અનુસાર, EPFOએ તેનું માળખું તૈયાર કરી લીધું છે. આ પછી ડ્રાફ્ટ પેપર તૈયાર કરીને તેની મંજૂરી લેવામાં આવશે.
PFથી પૈસા ઉપાડવાની સ્ટેપ બાય સ્ટેપ પ્રોસેસ
યુએએન પોર્ટલ https://unifiedportal-mem.epfindia.gov.in/memberinterface/ પર જાઓ.
પોતાના UAN અને પાસવર્ડનો ઉપયોગ કરીને લોગ ઈન કરો અને વેરિફિકેશન માટે કેપ્ચા કોડ નાખો.
હવે ઓનલાઈન સર્વિસ ટેબ પર જાઓ અને ડ્રોપ-ડાઉન મેનુથી 'ક્લેમ (ફોર્મ-31, 19 અને 10સી)' વિકલ્પ પસંદ કરો.
બીજી સ્ક્રીન પર તમારૂ બેન્ક ખાતા નંબર નાખો અને 'વેરિફાઈ કરો' પર ક્લિક કરો.
હવે Yes પર ક્લિક કરો અને આગળ વધો
ત્યાર બાદ પ્રોસીડ ફોર ઓનલાઈન ક્લેમ પર ક્લિક કરો.
હવે ક્લેમ ફોર્મમાં, 'આઈ વોન્ટ ટૂ એપ્લાય ફોર' ટેબ હેઠળ તમને જે ક્લેમની જરૂર છે તેને પસંદ કરો.
પોતાનું ફંડ ઉપાડવા માટે પીએફ એડવાન્સ (ફોર્મ 31) પસંદ કરો. પછી એડવાન્સનું કારણ, રકમ અને કર્મચારીનું એડ્રેસ આપો.
હવે પ્રમાણપત્ર પર ક્લિક કરો અને પોતાનું આવેદન જમા કરો.
જે હેતુથી તમે ફોર્મ ફર્યું છે તેના માટે તમારે સ્કેન કરેલા દસ્તાવેજ જમા કરવા માટે કહેવામાં આવશે.
કંપની દ્વારા પૈસા ઉપાડવાની રિક્વેસ્ટને એક્સેપ્ટ કર્યા બાદ તમારા બેન્ક ખાતામાં પૈસા આવશે.
બેન્ક ખાતામાં પૈસા જમા થવામાં સામાન્ય રીતે 15-20 દિવસ લાગે છે.
EPFO દાવાઓની પતાવટ કરવા અને એક જ દિવસમાં નાણાં ટ્રાન્સફર કરવા માટે આ સમયગાળો ઘટાડવાનું વિચારી રહ્યું છે. જો તેનું મિકેનિઝમ લાગુ કરવામાં આવે, તો દાવો દાખલ કર્યાના 24 કલાકની અંદર ખાતામાં પૈસા જમા થઈ શકે છે.