મતલબ સ્પષ્ટ છે કે, તમે તમારા PF ના રૂપિયા 3 દિવસની અંદર મેળવી શકશો. કએમ્પ્લોઇઝ પ્રોવિડન્ટ ફંડ ઓર્ગેનાઇઝેશન આ માટે જોરશોરથી તૈયારી કરી રહ્યુ છે.
EPFO કમિશનર સુનીલ બર્થવાલે આ અંગે જાણકારી આપી છે. EPFO ઇ-નિરિક્ષણ પ્રોસેસ શરૂ કરશે, જેનો ઉદ્દેશ્ય તપાસની પ્રક્રિયા વધારે સરળ બનાવવી અને જરૂર વગરના સવાલ-જવાબ ઓછા કરવાનો છે, જેનાથી સરળતાથી PF ના રૂપિયા નીકાળી શકાશે.
તમને જણાવી દઇએ કે, હાલના સમયમાં તમે PF ના રૂપિયા ઑનલાઇન અને ઑફલાઇન એમ બે રીતે નીકાળી શકો છો. પરંતુ ઑનલાઇનમાં હજુ 30 દિવસ લાગી જાય છે. એવામાં આ પગલુ નોકરી કરનારાઓ માટે રાહત ભર્યુ છે.
UANની સમસ્યાનું નિરાકરણ આવશે:
સુનીલ બર્થવાલે જણાવ્યુ કે, આંકડાની ગરબડને લઇ કેટલાક કર્મચારીઓ UAN (બાર આંકડાનો નંબર) જનરેટ કરી શકતા નથી. તેને જોઇને EPFO કર્મચારી ડેટા બેઝના માધ્યમથી ઓથેન્ટિકેશન માટે વૈકલ્પિક વ્યવસ્થા પર વિચારણા કરાઇ રહી છે.
આગળ કહ્યુ કે, EPFO KYCનું પાલન કરનારા લાભાર્થીઓના મામલાને નિરાકરણ 3 દિવસની અંદર કરવાની દિશામાં કામ કરી રહ્યુ છે. આ લાભાર્થીઓનો UAN આધાર અને બેંક ખાતાની સાથે જોડાયેલો હોય છે અને તેમની પાસે રજિસ્ટ્રર મોબાઇલ નંબર હોય છે.
કેવી રીતે નીકાળી શકો છો PF ના રૂપિયા?
- સૌથી પહેલા તમારે https://unifiedportal-mem.epfindia.gov.in/memberinterface/ ની વેબસાઇટ પર જવાનુ રહેશે. આ પછી UAN ( યૂનિવર્સલ એકાઉન્ટ નંબર), પાસવર્ડ અને કેપ્ચા કોડ નાખીને એકાઉન્ટને લોગ ઇન કરવુ પડશે. આ પછી તમને મેનેજ ટેબના KYC વિકલ્પ પર ક્લિક કરવાનું રહેશે.
- જ્યાં તમને પૂછવામાં આવશે કે તમારો આધાર, પાન કાર્ડ અને બેંક ડિટેલ વેરિફાઇ છે કે નહી. આ પછી ઑનલાઇન સર્વિસ પર જવાનું રહેશે અને ક્લેમ વિકલ્પ પર ક્લિક કરવાનું રહેશે.
- હવે તમારા સ્ક્રીન પર મેમ્બર ડિટેલ. KYC ડિટેલ દેખાશે, હવે તમે ક્લેમ ફોર્મ સબમિટ કરીને પ્રોસીડ ફૉર ઑનલાઇન ક્લેમ પર ક્લિક કરવું પડશે.