RTOના ઘરમાં ખાનગી થિયેટર, અન્ય ઘણા ઘરો-ઘણા વાહનો અને અન્ય દસ્તાવેજો મળ્યા
મધ્યપ્રદેશના જબલપુરમાં એક આરટીઓ અધિકારીના ઘરે આર્થિક અપરાધ સેલ (EOW)ની ટીમે કાર્યવાહી કરતાં મોટી સફળતા મળી છે. કાર્યવાહી બાદ સવાલ થાય છે કે, જબલપુરમાં આરટીઓનું ઘર કે રાજાનો મહેલ ? RTO સંતોષ પાલ સિંહનું ઘર કોઈ મહેલથી ઓછું નથી. અધિકારીઓએ જ્યારે અધિકારીની મિલકત જોઈ તો તેઓ આશ્ચર્યચકિત થઈ ગયા. આ RTOના ઘરમાંથી આવક કરતાં 650 ગણી વધુ કિંમતની મિલકત મળવાના સંકેતો છે. તપાસમાં જબલપુરના આરટીઓ પાસે 16 લાખ રોકડા મળી આવ્યા હતા.
ઇકોનોમિક ઓફેન્સીસ સેલ (EOW)ની ટીમે બુધવારે રાત્રે પ્રાદેશિક પરિવહન અધિકારી (RTO) સંતોષ પાલ પર અપ્રમાણસર સંપત્તિના કેસમાં દરોડા પાડ્યા હતા. જબલપુરમાં આરટીઓ અધિકારી સંતોષ પાલ સિંહના ઘરે થયેલી કાર્યવાહીમાં આવક કરતાં 650 ગણી વધુ કિંમતની મિલકત મળ્યા હોવાની સંભાવના છે. સાહેબે ઘરમાં પોતાનું ખાનગી થિયેટર પણ બનાવ્યું છે. બ્લેક મની સાથે થિયેટરમાં લાલ સીટો લગાવવામાં આવી છે. તપાસ દરમ્યાન આરટીઓ સંતોષ પાલ સિંહના અન્ય ઘણા ઘરો-ઘણા વાહનો અને અન્ય દસ્તાવેજો મળી આવ્યા છે.
Madhya Pradesh | EOW (Economic Offences Wing) raided the residence of Regional Transport Officer Santosh Pal in Jabalpur in connection with disproportionate assets. Bureau has conducted raids at a total of 3 places. Rs 16 lakh cash and jewellery were recovered from his residence. pic.twitter.com/4Yy3jSd9ae
આરટીઓ અધિકારીના ઘરમાંથી 16 લાખની રોકડ સાથે કાળા નાણાથી મેળવેલી અપ્રમાણસર સંપત્તિના દસ્તાવેજો મળી આવ્યા છે. પ્રાથમિક તપાસમાં બહાર આવેલા પુરાવાઓ દર્શાવે છે કે, તેમની સેવાના સમયગાળા દરમ્યાન કાયદેસર સ્ત્રોતોમાંથી આરટીઓની આવકના 650 ટકા છે. બુધવારે મોડી રાત્રે શતાબ્દીપુરમ કોલોનીમાં તેના આલીશાન મકાન પર EOW ટીમ દ્વારા કાર્યવાહી કરવામાં આવી હતી. આ દરમ્યાન ટીમને તેના નામે અડધો ડઝન ઘરો અને ફાર્મહાઉસ સહિત લક્ઝરી કારની સાથે 16 લાખ અને લાખોની કિંમતના ઘરેણા હોવાની માહિતી મળી છે.
#WATCH | Madhya Pradesh: EOW conducts raids at the residence of Regional Transport Officer Santosh Pal in Jabalpur in connection with disproportionate assets pic.twitter.com/EyPYIuXsCh
સમગ્ર મામલે EOW SP દેવેન્દ્ર પ્રતાપ સિંહના જણાવ્યુ હતું કે, RTO સંતોષ પાલ અને તેની કારકુની પત્ની રેખા પાલ પાસે મોટી સંપત્તિ હોવાની ફરિયાદો મળી હતી. જેની ચકાસણી ઈન્સ્પેક્ટર સ્વર્ણજીત સિંહ ધામીએ કરી હતી. મોડી રાત સુધી તપાસમાં બહાર આવેલા પુરાવાઓ દર્શાવે છે કે, આરટીઓ સંતોષ પાલનો ખર્ચ અને હસ્તગત સંપત્તિ તેમની સેવાના સમયગાળા દરમ્યાન કાયદેસરના સ્ત્રોતોમાંથી મળેલી આવકની તુલનામાં 650 ટકા વધુ છે.
નોંધનીય છે કે, EOWને તપાસ દરમ્યાન RTOની PPકોલોની ગ્વારીઘાટમાં 1247 ચોરસ ફૂટના મકાનના દસ્તાવેજો મળ્યા છે. આ સાથે શંકર શાહ વોર્ડમાં 1150 ચોરસ ફૂટ, શતાબ્દીપુરમ (એમઆરફોર રોડ) ખાતે 10 હજાર ચોરસ ફૂટની બે રહેણાંક ઇમારતો, કસ્તુરબા ગાંધી વોર્ડમાં 570 ચોરસ ફૂટ અને ગઢાફાટકમાં 771 ચોરસ ફૂટનું મકાન ઉપરાંત 1.4 એકર જમીન, દિઠાગા રોડ ગામ ખાતે તેના પર બનેલા ફાર્મ હાઉસ વિશે પણ માહિતી મળી છે. આ સાથે તપાસ દરમ્યાન આરટીઓએ ખરીદેલી I-20 કાર (નંબર MP 20 CB 5455), સ્કોર્પિયો (નંબર MP 20 HA 8653), પલ્સર બાઇક (નંબર MP 20 NF 2888) અને બુલેટ (નંબર MP 20 MSZ 5455)ના દસ્તાવેજો પણ તપાસ દરમ્યાન મળ્યા છે. મળી આવેલ છે.