મુલાકાત / જમ્મૂ કાશ્મીરથી 370 હટાવાયા બાદ શ્રીનગર પહોંચ્યા 16 દેશોના રાજદ્વારી, ટોચના અધિકારીઓએ કર્યું સ્વાગત

• દિલ્હીમાં રહેતા આ રાજદ્વારી વિશેષ વિમાનમાં શ્રીનગરના ટેકનિકી હવાઇ-એરપોર્ટ પર પહોંચ્યા
• રાજદ્વારીઓના આ પ્રતિનિધિમંડળમાં અમેરિકા, બાંગ્લાદેશ, સહિતના દેશના રાજદ્વારી શામેલ
• આ રાજદ્વારી ઉપરાજ્યપાલ જી.સી. મુર્મૂ અને નાગરિક સમૂહના સભ્યોની સાથે મુલાકાત કરશે

તેઓએ જણાવ્યું કે, આ રાજદ્વારી ઉપરાજ્યપાલ જી.સી. મુર્મૂ અને નાગરિક સમૂહના સભ્યોની સાથે મુલાકાત કરશે. રાજદ્વારીઓના આ પ્રતિનિધિમંડળમાં અમેરિકા ઉપરાંત બાંગ્લાદેશ, વિયતનામ, નોર્વે, માલદ્વીપ, દક્ષિણ કોરિયા, મોરક્કો અને નાઇજીરિયાના રાજદ્વારી પણ શામેલ છે. 

ખીણ પહોંચેલા તમામ દેશોના રાજદ્વારીઓએ અહીં આવીને રાજકીય પાર્ટીઓના સભ્યો સાથે વાતચીત કરવાની શરૂઆત કરી દીધી છે. માનવામાં આવી રહ્યું છે કે, આ મુલાકાત બાદ ખીણમાં ત્રીજા મોરચાનું ગઠન થઇ શકે છે. આ ચર્ચા દરમિયાન નોકરીઓમાં જમ્મૂ-કાશ્મીરના લોકોને અનામત સહિતના મુદ્દાઓ ઉઠાવાયા છે પરતું આર્ટિકલ 370 પર કોઇપણ પ્રકારની વાતચીત થઇ નથી. આ રાજદ્વારીઓનું પ્રતિનિધિત્વ પૂર્વ ધારાસભ્યો અને તમામ રાજકીય લીડરો સહિત પીડીપી પાર્ટીના વરિષ્ઠ નેતા સૈયદ મોહમ્મદ અલ્તાફ બુખારીએ કર્યું. 

સૈયદ અલતાફ બુખારીના નેતૃત્વમાં આઠ પૂર્વ ધારાસભ્યોએ મંગળવારે જમ્મૂ કાશ્મીરના ઉપ રાજ્યપાલના કાર્યાલય સાથે સંવાદ કરી પૂર્ણ રાજ્યનો દરજ્જો સ્થાપિત કરવા સંબંધિત ઘણી માંગ કરી છે. આ મુખ્યધારાના નેતાઓનું પહેલું સમૂહ છે, જેમણે ઉપરાજ્યપાલ કાર્યાલયથી સંવાદ સ્થાપિત કર્યો છે. પ્રતિનિધિમંડળે ઉપ રાજ્યપાલ જી.સી. મુર્મૂ સાથે મુલાકાત કરી અને 15 બિંદુઓવાળી રિપોર્ટ સોંપી જેમા જમીન અને નોકરીઓમાં લોકોના અધિકારો સુરક્ષિત કરવા, ધરપકડમાં લેવામાં આવેલા લોકોને મુક્ત કરવા અને યુવકો પર નોંધાયેલા કેસ પાછા લેવા વગેરે સામેલ છે. 

બુખારીએ જણાવ્યું કે, ''અમને મુર્મૂ સાહેબની મુલાકાત લીધી અને અનુચ્છેદ 370ની મોટાભાગની જોગવાઇને સમાપ્ત કર્યા બાદ જમ્મૂ કાશ્મીરથી સંબંધિત ચિંતાઓથી તેમને અવગત કરાવ્યા. અમે વ્યક્તિગત રીતે મુલાકાત કરી છે.''