રાજકોટના ક્રિકેટર રવીન્દ્ર જાડેજાના મોટા બહેન નૈયનાબાની રાજકારણમાં એન્ટ્રી કરાઈ છે. નેશનલ વુમન પાર્ટીમાં નૈયનાબા જાડેજા જોડાયા છે. રવીન્દ્રના પત્ની રિવાબા જાડેજા મહિલા કર્ણી સેનાના અધ્યક્ષ બન્યા હતા.
મહિલાઓના પ્રશ્નો અને મહિલાઓ માટે કામ કરવા નૈયનાબા જાડેજાએ આ ઈનિંગ શરૂ કરી છે. નૈનાબા જાડેજાએ આજે નેશનલ વુમન પાર્ટી સાથે વિધિવત જોડાઈ ગયા છે. પાર્ટીના સર્વેસર્વા ડો સ્વેતા શેટ્ટી દ્વારા આ બાબતની વિધિવત જાણ કરવામાં આવી છે.
આગામી લોકસભાની ચૂંટણીને લઈને અસ્તિત્વમાં આવેલી આ પાર્ટી લોકસભામાં પણ મહિલાઓ માટે ૫૦ ટકા અનામત ઈચ્છે છે. આ બાબતે નૈનાબાએ જણાવ્યું હતું કે પિતાના સંપૂર્ણ સહકારથી તે પાર્ટીમાં જોડાઈ છે. જાડેજાને હાલ વેસ્ટર્ન કમાનના પાર્ટીનો હવાલો સોંપવામાં આવ્યો છે.