ગૂગલના સીઈઓ સુંદર પિચાઈએ ફિફા વર્લ્ડ કપના દિવસે ગૂગલ પર જે ટ્રેન્ડ છવાયો હતો તેને લઈને એક ચોંકાવનારી માહિતી જાહેર કરી છે.
ફિફા વર્લ્ડ કપની ફાઈનલમાં રેકોર્ડ થયો
એક દિવસમાં તૂટ્યો 25 વર્ષનો રેકોર્ડ
આખી દુનિયા ફિફા વર્લ્ડ કપ સર્ચ કરવા લાગી હતી
ગૂગલના સીઈઓ સુંદર પિચાઈએ આપી માહિતી
જો તમે કંઇપણ સર્ચ કરવા માંગો છો, તો સૌથી પહેલા તમે ગૂગલ પર જાઓ છો અને તમને સંબંધિત માહિતી મળે છે. ગૂગલ પર દરરોજ લગભગ 8.5 અબજ વસ્તુઓ સર્ચ કરવામાં આવે છે, પરંતુ જો આખી દુનિયા આ જ વસ્તુ વિશે સર્ચ કરવાનું શરૂ કરે તો શું થાય. વિશ્વની સૌથી મોટી ઘટનાઓમાં સામેલ ફિફા વર્લ્ડ કપ 2022ની ફાઇનલના પ્રસંગે 18 ડિસેમ્બરની સાંજે આ ઘટના બની હતી, જ્યારે છેલ્લા 25 વર્ષનો રેકોર્ડ તૂટ્યો હતો. ગૂગલના સીઈઓ સુંદર પિચાઈએ પોતે આ માહિતી આપી હતી.
Search recorded its highest ever traffic in 25 years during the final of #FIFAWorldCup , it was like the entire world was searching about one thing!
સુંદર પિચાઈએ આપી માહિતી
સર્ચ એન્જિન કંપનીના સીઈઓ સુંદર પિચાઈના જણાવ્યા અનુસાર રવિવારે સાંજે ફિફા વર્લ્ડ કપ સાથે જોડાયેલી સર્ચે છેલ્લા 25 વર્ષના રેકોર્ડ તોડી નાખ્યા હતા. લિયોનેલ મેસીની ટીમ આર્જેન્ટીનાએ કતારમાં ચાલી રહેલા ફૂટબોલ વર્લ્ડ કપની ભારે રોમાંચક ફાઈનલમાં ફ્રાન્સને 4-2થી હરાવ્યું હતુ અને બંને ટીમો વચ્ચે જોરદાર ટક્કર થઈ હતી. બંને ટીમોએ શાનદાર પ્રદર્શન કર્યું હતું અને છેલ્લી ઘડી સુધી જોરદાર લડત ચાલી હતી. જોકે પેનલ્ટી શૂટઆઉટમાં આર્જેન્ટીના વિજેતા બન્યું હતુ.
ગૂગલ પર 25 વર્ષમાં સૌથી વધુ ટ્રાફિકનો રેકોર્ડ
સુંદર પિચાઈએ માઇક્રોબ્લોગિંગ પ્લેટફોર્મ ટ્વિટર પર ગૂગલ સર્ચ સંબંધિત માહિતી આપી હતી. તેમણે લખ્યું, "ફિફા વર્લ્ડ કપ ફાઇનલ દરમિયાન, સર્ચે છેલ્લા 25 વર્ષમાં સૌથી વધુ ટ્રાફિક રેકોર્ડ કર્યો હતો. સુંદરે ફાઇનલ મેચને "અત્યાર સુધીની સૌથી અદભૂત રમતોમાંની એક" ગણાવી હતી અને બંને ટીમોના ઉત્કૃષ્ટ પ્રદર્શન માટે પ્રશંસા કરી હતી.
પિચાઈએ મેસીના કર્યા વખાણ
સુંદર પિચાઈએ લખ્યું કે અત્યાર સુધીની સૌથી શાનદાર રમતોમાંની એક. આર્જેન્ટિના અને ફ્રાન્સ સારું રમ્યા હતા. પીચાઈએ આખરી મેચમાં ત્રણ ગોલ ફટકારીને ત્રીજી વખત ટીમને વર્લ્ડ ચેમ્પિયન બનાવનારા મેસીના પણ ભારોભાર વખાણ કર્યા હતા અને તેને આ જીતને લાયક ગણાવ્યોનથી. તમને જણાવી દઇએ કે, આ મેચ જીતવી આર્જેન્ટિના માટે એટલા માટે પણ મહત્વની હતી કારણ કે બેસ્ટ ફુટબોલ ખેલાડીઓમાંથી એક લિયોનેલ મેસ્સી માટે આ છેલ્લી ફીફા વર્લ્ડ કપની રમત હતી.
બીજું શું સૌથી વધારે સર્ચ કર્યું લોકોએ
ફિફા વર્લ્ડ કપ 2022 સિવાય આ વર્ષે ગૂગલે ભારતમાં ઇન્ડિયન પ્રીમિયર લીગ (આઇપીએલ) અને કોવિન વિશે સૌથી વધુ સર્ચ કર્યું હતું. ભારતમાં એશિયા કપ અને આઇસીસી મેન્સ વર્લ્ડ કપ જેવી સ્પોર્ટિંગ ઈવેન્ટ્સને પણ ગૂગલ પર ભારે સર્ચ કરવામાં આવી હતી. 'બ્રહ્માસ્ત્ર' આ વર્ષે સૌથી વધુ સર્ચ થનારી બોલિવૂડ ફિલ્મ બની, તો ભારતીય યૂઝર્સે પણ સરકારની 'અગ્નિપથ સ્કીમ' વિશે ઘણું સર્ચ કર્યું. ગ્લોબલ ટ્રેન્ડની વાત કરીએ તો સૌથી વધુ યૂઝર્સે 'વર્ડલ' ગેમ વિશે ગૂગલ સર્ચ કર્યું હતું.