સુરેન્દ્રનગરના જોરાવરનગરમાં મતદાન મથક પર 107 વર્ષીય કડવીબેન મકવાણાએ મત આપી લોકશાહીના મહાપર્વમાં ભાગ લીધો હતો.
ચૂંટણીને લઈને મતદારોમાં ઉત્સાહ
107 વર્ષના વૃદ્ધ મહિલાએ મતદાન કર્યું
કડવીબેન મકવાણાએ જોરાવરનગરમાં મત આપ્યો
સ્થાનિક સ્વરાજ્યની ચૂંટણીમાં ગ્રામીણ વિસ્તારોમાં મતદાનને લઈને ભારે જાગૃતતા જોવા મળી રહી છે. સુરેન્દ્રનગરના જોરાવરનગરમાં મતદાન મથક પર 107 વર્ષીય કડવીબેન મકવાણાએ મત આપી લોકશાહીના મહાપર્વમાં ભાગ લીધો હતો. 107 વર્ષની જૈફ વયે પણ મત આપતી વખતે કડવીબેન મકવાણામાં અનેરો ઉત્સાહ જોવા મળી રહ્યો હતો.
સ્થાનિક સ્વરાજ્યની ચૂંટણીને લઈને ગુજરાતના ગ્રામ્ય વિસ્તારોના મતદારોમાં ભારે ઉત્સાહ જોવા મળી રહ્યો છે. ઠેર ઠેર મતદાનને લઈને લાંબી કતારો જોવા મળી રહી છે. ત્યારે નવસારીના ચીખલીમાં 100 વર્ષીય વૃદ્ધ મહિલા પ્રેમીબેન પટેલે મતદાન કરી લોકશાહી માટે પોતાની ફરજ નિભાવી હતી.
લોકશાહી માટે પોતાની ફરજ નિભાવાને લઈને પ્રેમીબેનને ઉત્સાહ એટલો બધો હતો કે તેમને યુવાઓ દ્વારા ખુરશી પર બેસાડીને ટીંગાટોળી કરીને મતદાન મથક સુધી લાવવામાં આવ્યા હતા. આમ 100 વર્ષની જૈફ ઉમરે પણ મતદાનને લઈને તથા લોકશાહી પ્રત્યે પોતાની ફરજ નિભાવવાની નિષ્ઠા ખરેખર ઘરે બેસીને મતદાન કરવા નહીં જતા લોકો માટે દાખલા રૂપ સમાન છે.
તો આ સાથે દહેગામ નગરપાલિકામાં મતદાન માટે વરરાજા પહોંચ્યા હતા. GEB મતદાન મથકે વરરાજા મતદાન કર્યું હતું. સ્થાનિક સ્વરાજની ચૂંટણીમાં મતદાનને લઈને તમામ લોકોમાં ઉત્સાહ જોવા મળશે. લોકોને પણ મોટી સંખ્યામાં મતદાન કરવા અપીલ કરી હતી.