ટીવી જગત / TMKOCના આ એક્ટરને એક એપિસોડના મળે છે આટલા જ રૂપિયા, જૂના એક્ટર કરતા સાવ ઓછી છે સેલરી

ટીવી જગતના સૌથી જુના અને પ્રખ્યાત શો તારક મહેતા કા ઉલ્ટા ચશ્માના થોડા દિવસો પહેલા જ 16 વર્ષ પુરા થયા છે. ત્યારે આ મોટી સફળતાની ઉજવણી પણ કરવામાં આવી. જો કે હવે આ શોની લોકપ્રિયતા પહેલા જેવી નથી રહી. એક પછી એક એક્ટર આ શો છોડી રહ્યા છે. દયાબેનની કમી તો લોકોએ જેમ-તેમ કરીને સહન કરી લીધી હતી, પરંતુ તારક મહેતા એટલે કે અભિનેતા શૈલેશ લોઢાના શો છોડ્યા પછી શોની ટીઆરપી પર પણ આની અસર પડી છે.

View this post on Instagram

A post shared by Shailesh Lodha (@iamshaileshlodha)

શૈલેષની સામે ન ટકી શક્યા સચિન શ્રોફ

જો કે, શૈલેષ લોઢાએ શો છોડતાની સાથે જ નિર્માતાઓએ તેમને રિપ્લેસ કરી દીધા. 'તારક મહેતા કા ઉલ્ટા ચશ્મા'માં શૈલેષની જગ્યાએ લોકપ્રિય અભિનેતા સચિન શ્રોફને લેવામાં આવ્યો છે. શૈલેષ લોઢાને શોની શરૂઆતથી જ ચાહકોનો પ્રેમ મળ્યો છે. તેમના અભિનય અને જેઠાલાલ સાથેની મિત્રતાના ઉદાહરણો આપવામાં આવે છે. પરંતુ તેમણે શો અધવચ્ચે જ છોડીને બધાના દિલ તોડી નાખ્યા છે. નિર્માતાએ પૂરતો પ્રયાસ કર્યો કે સચિનના આવવાથી શૈલેષની જગ્યા ભરી શકાય, પરંતુ આવું થઈ શક્યું નથી અને તેમનો આ આઈડિયા ફ્લોપ થઈ ગયો.

બંનેની ફીમાં ખૂબ જ મોટો ફરક

શૈલેશ હીરો અને સચિન તેમની સામે ઝીરો રહી ગયા. તેમની ફી એ વાતનો પુરાવો છે. શૈલેશ લોઢા પોતાની કવિતાઓ માટે પહેલાથી જાણીતા હતા અને શોમાં સૌથી મહત્ત્વનું પાત્ર ભજવતા હતા. એવામાં તેમની ફી પણ ઘણી વધારે હતી. શૈલેશ શો માટે મોટી તગડી રકમ વસૂલતા અહ્તા અને તેમના પરફોર્મન્સને જોઇને મેકર્સ પણ હસી-હસીને તેમને મોટી ફી આપી દેતા હતા. ત્યારે હવે મીડિયા અહેવાલોમાં દાવો કરવામાં આવી રહ્યો છે કે સચિન શૈલેશ કરતા 400 ટકા ઓછી ફી લે છે.

આ પણ વાંચો: હીરામંડી કે રૂદ્ર નહીં, આ છે વિશ્વની સૌથી મોંઘી વેબ સિરીઝ, એક એપિસોડને તૈયાર કરવામાં કરોડો ખર્ચ્યા

બંનેની ફી જાણીને ચોંકી જશો

અહેવાલો અનુસાર, શૈલેશ એક એપિસોડ માટે લગભગ દોઢ લાખ રૂપિયા ચાર્જ કરતા હતા. જયારે સચિન એક એપિસોડ માટે લગભગ 30,000 રૂપિયા ફી લે છે. શૈલેશ સામે સચિનની ફી કશું જ નથી. શૈલેશ સચિન કરતા ચાર ગણી ફી વસૂલતા હતા. બંનેમાં 400 ટકાનો ફરક છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ