બર્થડે સ્પેશ્યલ / નેટવર્થ 5000000000, અમેરિકામાં પણ ઘર, સાઉથના આ એક્ટર આગળ બોલીવુડના સિતારાઓ પણ ફેલ

જૂનિયર એનટીઆરનો જન્મ 20 મે, 1983ના રોજ હૈદરાબાદમાં થયો હતો. તેમનું અસલ નામ નંદમૂરી તારક રામા રાવ જુનિયર છે. તેઓ દક્ષિણ ભારતીય સિનેમાના દિગ્ગજ અભિનેતા અને આંધ્ર પ્રદેશના પૂર્વ મુખ્યમંત્રી એન.ટી. રામા રાવ ના પૌત્ર છે. તેમના પિતા હરિકૃષ્ણા પણ એક જાણીતા અભિનેતા અને રાજકારણી હતા.

શાનદાર લાઈફસ્ટાઈલ

જૂનિયર એનટીઆરે આરઆરઆર જેવી ફિલ્મ કરી છે, જેને 1300 કરોડ રૂપિયાનો બિઝનેસ કર્યો છે. જૂનિયર એનટીઆર એક શાનદાર લાઈફસ્ટાઈલ જીવે છે. તે એક ફિલ્મ માટે 45 થી 60 કરોડ રૂપિયા સુધી ચાર્જ કરે છે. જૂનિયર એનટીઆરની નેટવર્થની વાત કરીએ તો માહિતી મુજબ, તેમની કુલ સંપત્તિ 500 કરોડ રૂપિયા જેટલી છે. નેટવર્થના મામલામાં તેઓ ઘણા બોલીવૂડ સ્ટાર્સને પાછળ છોડી દે છે.

મિલકત

જૂનિયર એનટીઆરનો હૈદરાબાદમાં શાનદાર બંગલો છે. તેમનો બંગલો જ્યુબિલી હિલ્સ વિસ્તારમાં આવેલો છે. તેની કિંમત આશરે 25 કરોડ રૂપિયાની છે. આ ઉપરાંત, જૂનિયર એનટીઆરના બેંગલોર, મુંબઈ અને અમેરિકામાં પણ ઘર છે.

એનટીઆરની ઘડિયાળની કિંમત

જૂનિયર એનટીઆરને કાર અને ઘડીયાળનો ખૂબ જ શોખ છે. તેમની પાસે Richard Mille નામની ઘડીયાળ છે, જેની કિંમત 4 કરોડ રૂપિયા છે. તેમની પાસે Patek Philippe Nautilus નામની ઘડીયાળ પણ છે, જેની કિંમત 2.5 કરોડ રૂપિયા છે.

કાર કલેક્શન

કાર કલેક્શનની વાત કરીએ તો જૂનિયર એનટીઆર પાસે 5 કરોડની લેમ્બોર્ગિની ઉરુસ ગ્રેફાઈટ કેપ્સ્યુલ છે. એવી માહિતી છે કે તેમણે આ કારની ખાસ નંબરપ્લેટ માટે 15 લાખ રૂપિયા ખર્ચ્યા છે. એક્ટરના પાસેથી રેન્જ રોવર, BMW, પોશે અને મર્સિડીઝ બેન્ઝ જેવી અનેક શાનદાર કાર પણ છે.

પર્સનલ લાઈફ

તેમણે વર્ષ 2011માં લક્ષ્મી પ્રણતિ સાથે લગ્ન કર્યા હતાં. તેમને બે સંતાનો છે.

ભાવિ ફિલ્મો

ફિલ્મોની વાત કરીએ તેમનો આગામી પ્રોજેક્ટ “દેવારા: પાર્ટ 2 ” છે, જે Part 1 પછીનું સીક્વલ હશે. તેઓના ફેન્સ “NTR 31” તથા “War 2 (યશ રાજ ફિલ્મ્સ સાથે)” માટે પણ ઉત્સુક છે.

વધુ વાંચો: Photos: ડીપનેક ડ્રેસમાં આકાંક્ષા પુરીએ આપ્યાં કિલર પોઝ, તસવીરો શેર કરીને લગાવ્યો હોટનેસનો તડકો

જૂનિયર એનટીઆર માત્ર દક્ષિણ ભારતીય સિનેમાના સ્ટાર નથી, પરંતુ વૈશ્વિક સ્તરે ઓળખ ધરાવતા ટેલેન્ટ છે. તેમની વૈભવી લાઈફસ્ટાઈલ અને મહેનતથી ભરેલું કરિયર ભવિષ્યના યુવાનો માટે પ્રેરણારૂપ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ