મનોરંજન / અલ્લૂ અર્જુનની નેટવર્થ પણ વાઈલ્ડ 'ફાયર', કરોડોની સંપત્તિનો માલિક, શોખ એકદમ નવાબી

અલ્લુ અર્જુન (Allu Arjun News) સ્ટારર 'પુષ્પા 2' ફિલ્મ રીલીઝ થઈ ત્યારથી અત્યાર સુધીમાં જોરદાર કમાણી કરી ચુકી છે. આ ફિલ્મે એક જ અઠવાડિયામાં બોક્સ ઓફિસ પર કલેક્શન 750 કરોડ રૂપિયાનો આંકડો પાર કરી લીધો છે અને હવે આ ફિલ્મ 800 કરોડ રૂપિયાની કમાણી કરવાની રેસમાં છે. જો આપણે અલ્લુ અર્જુનની વાત કરીએ તો તેલુગુ સિનેમાના પ્રખ્યાત અભિનેતા હોવા ઉપરાંત તે એક સફળ ઉદ્યોગસાહસિક પણ છે.

42 વર્ષીય અભિનેતા અલ્લુ અર્જુન (Allu Arjun) કરોડોની સંપત્તિના માલિક છે. માહિતી અનુસાર, તેમની અંદાજિત નેટવર્થ રૂ. 460 કરોડ છે. તેમણે આ સંપત્તિ માત્ર ફિલ્મોમાં સફળ કારકિર્દીથી જ નહીં પરંતુ પ્રોડક્શન, હોસ્પિટાલિટી અને અન્ય ક્ષેત્રોમાં રોકાણ કરીને પણ બનાવી છે. તેઓ બ્રાન્ડ એન્ડોર્સમેન્ટ અને સોશિયલ મીડિયામાંથી પણ કમાણી કરે છે.

લક્ઝરીના શોખીન છે અલ્લુ અર્જુન

લક્ઝરીના શોખીન અલ્લુ અર્જુન (Allu Arjun) પાસે એક પ્રાઈવેટ જેટ, વિશાળ બંગલો અને બીજી ઘણી મોંઘી પ્રોપર્ટી છે. તેમની વૈભવી કાર અને અન્ય ભવ્ય સંપત્તિઓનો સંગ્રહ તેમને તેલુગુ ફિલ્મ ઉદ્યોગમાં સૌથી વધુ કમાણી કરનારા અભિનેતાઓમાંના એક બનાવે છે.

2022માં ખોલ્યું અલ્લુ સ્ટુડિયો નામનું પ્રોડક્શન હાઉસ

2022 માં, અલ્લુ અર્જુને (Allu Arjun) તેમના બિઝનેસ સામ્રાજ્યને વિસ્તારવા માટે હૈદરાબાદમાં તેમનું પ્રોડક્શન હાઉસ, અલ્લુ સ્ટુડિયો ખોલ્યું. 10 એકરમાં ફેલાયેલો આ અત્યાધુનિક સ્ટુડિયો તેમના દાદા અલ્લુ રામલિંગૈયાને સમર્પિત છે. અલ્લુ સ્ટુડિયોની સાથે, અલ્લુ પરિવાર ગીતા આર્ટ્સનો પણ માલિક છે, જે એક મોટી ફિલ્મ પ્રોડક્શન અને ડિસ્ટ્રિબ્યુશન કંપની છે.

મલ્ટિપ્લેક્સ બિઝનેસનો વિસ્તાર

જૂન 2023માં, અલ્લુ અર્જુને (Allu Arjun) તેના બિઝનેસ પોર્ટફોલિયોને વધુ વિસ્તાર્યો અને હૈદરાબાદના અમીરપેટમાં પોતાનું મલ્ટિપ્લેક્સ લોન્ચ કર્યું. અહેવાલો અનુસાર, તેઓ આ વેન્ચરને અન્ય રાજ્યોમાં પણ વિસ્તારવાની યોજના બનાવી રહ્યા છે.

આ પણ વાંચો: શું હતો સંધ્યા થિયેટર કેસ જેના કારણે થઈ અલ્લૂ અર્જુનની ધરપકડ? એક ભૂલ પુષ્પાને પડી ભારે

અલ્લુ અર્જુનને છે લક્ઝરી કારનો શોખ

અલ્લુ અર્જુન (Allu Arjun) પાસે રોલ્સ રોયસ જેવી મોંઘી અને લક્ઝરી કાર પણ છે. તેમની કારની લિસ્ટમાં રેન્જ રોવરનો નંબર પણ આવે છે. પુષ્પા 2 ના સ્ટાર પાસે પોતાની લક્ઝરી વેનિટી વેન પણ છે. અલ્લુ અર્જુન પાસે Hummer H2 SUV પણ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ