બોલિવુડના જાણીતા ડિરેક્ટર-પ્રોડ્યુસર કરણ જોહર આજે ફિલ્મ ઇન્ડસ્ટ્રીમાં ટોચના સ્થાને છે. મૂવીઝ ઉપરાંત કરણ જોહર પોતાની ડ્રેસિંગ સ્ટાઇલને કારણે પણ ફેમસ છે. પરંતુ કરણ જોહરનું અંગત જીવન હંમેશા ઝંઝાવતી રહ્યુ છે. કરણે આવી જ એક બાબત અંગે તાજેતરમાં ખુલાસો કર્યો હતો.
એક સમય હતો જ્યારે કરણ જોહરને તેના અવાજ માટે લોકો ચીડવતા હતા. કરણે કહ્યુ કે ''મને બાળપણથી જ કહેવાયુ હતુ કે છોકરીની જેમ જ ના બોલ છોકરીની જેમ ના ચાલ છોકરીની જેમ ડાન્સ કર. લોકો એમ પણ કહેતા કે મારો અવાજ છોકરીઓ જેવો છે. હું 15 વર્ષનો હતો ત્યારે સારવાર કરાવવા માટે ડોક્ટર પાસે ગયો હતો.''
કરણે સ્પીચ થેરાપિસ્ટ પાસે ગયો હતો અને ચેક અપ કરાવ્યું હતુ. કરણે ડોક્ટરને કહ્યુ કે ''બધા કહે છે કે મારો અવાજ છોકરીઓ જેવો છે.'' આ માટે કરણે 3 વર્ષ તાલિમ લીધી હતી. કરણે જણાવ્યું કે ''આ સેશન તેમના માટે ઘણું ટોર્ચર કરનારુ સેશન હતુ. પિતાથી છૂપાઇને ટ્યૂશનનું બહાનું બનાવી ડોક્ટર પાસે જતો હતો. હું પપ્પાને નહતો કહી શકતો કે હું પુરુષ બનવા જઈ રહ્યો છું.”
કરણે કહ્યું કે ''તે આઠ વર્ષનો હતો ત્યારે તેણે સરગમ ફિલ્મ જોઈ હતી અને ડફલી વાલે ડફલી બજા ગીત પર ડાન્સ કરતો હતો. પરંતુ આ ગીતમાં રિષિ કપૂર નહી એક્ટ્રેસનો ડાન્સ કરતા હતા. આ ગીતમાં જયા પ્રદાએ ડાન્સ કર્યો હતો.''
કરણે જણાવ્યું કે ''તેને સ્કૂલમાં પ્રિન્સિપાલ અને ફ્રેન્ડ્સ એવુ જ કહેતા કે તે છોકરીઓને જેમ રડે છે ડાન્સ કરે છે. પરંતુ આ ચીજો તે બાળક પર નહી થોપી શકે.'' કરણે કહ્યુ કે ''તેના બાળકો જેમ ઇચ્છે તેમ કરી શકે છે તેમના પર કોઇ જબરદસ્તી કે દબાવ નહી હોય.''