મનોરંજન / 'મહારાજા'થી પણ વધારે ખતરનાક છે ફિલ્મ 'Viduthalai 2', જાણો ક્યાં અને ક્યારે થશે સ્ટ્રીમ?

વિજય સેતુપતિની ફિલ્મ 'મહારાજા' એ બધા દીવાના કરી દીધા હતા. આ ફિલ્મે ધમાલ મચાવી દીધી હતી. દર્શકોએ આ ફિલ્મને ખૂબ જ પસંદ કરી હતી. 'મહારાજા'ની કહાનીની સાથે-સાથે અભિનેતાનો અભિનય પણ ખૂબ જ શાનદાર હતો. હવે અભિનેતાની ફિલ્મ 'વિદુથલાઈ 2' ટૂંક સમયમાં ઓટીટી પર રિલીઝ થવાની છે. ફેન્સ આ ફિલ્મની આતુરતાથી રાહ જોઈ રહ્યા છે. ચાલો જાણીએ કે ક્યારે અને ક્યાં આ ફિલ્મ સ્ટ્રીમ થવાની છે.

ક્યાં અને ક્યારે થશે સ્ટ્રીમ?

'વિદુથલાઈ પાર્ટ 2' નું દિગ્દર્શન વેત્રિમારન એ કર્યું છે. આ ફિલ્મ 20 ડિસેમ્બર 2024ના રોજ સિનેમાઘરોમાં રિલીઝ થઈ હતી. 'વિદુથલાઈ પાર્ટ 2' એક પૉલિટિકલ ક્રાઈમ થ્રિલર છે. આ ફિલ્મને IMDb પર 8.0 રેટિંગ મળી છે. હવે તમે સમજી જશો કે આ ફિલ્મ કેટલી શાનદાર હશે. 'વિદુથલાઈ' નો પહેલો ભાગ માર્ચ 2023માં રિલીઝ થયો હતો, અને તે પણ દર્શકોને ખૂબ પસંદ આવ્યો હતો.

હવે 'વિદુથલાઈ પાર્ટ 2' સાથે, પહેલો ભાગ પણ ZEE 5 પર 28 માર્ચથી હિન્દીમાં સ્ટ્રીમ કરવામાં આવશે. આ સમાચાર સાંભળીને ફેન્સ ખૂબ જ ખુશ છે અને 28 માર્ચની આતુરતાથી રાહ જોઈ રહ્યા છે.

આ કલાકારો ફિલ્મમાં નજરે પડશે

'વિદુથલાઈ પાર્ટ 2' ની કહાની પેરુમલ "વાથિયાર" ની આસપાસ ગોઠવાઈ છે, જેને પોલીસ પકડી લે છે અને બીજા કેમ્પમાં લઈ જાય છે. આ દરમ્યાન વાથિયાર પોતાના જૂના દિવસોને યાદ કરે છે, જેમાં તે બતાવે છે કે કેવી રીતે એક અજાણતાં થયેલી હત્યાએ તેને કમ્યુનિસ્ટ આંદોલનમાં જોડાવા માટે પ્રેરિત કર્યો હતો.

વધુ વાંચો : કન્ફ્યુઝન દૂર કરો, આવી ગઇ સલમાનના 'સિકંદર'ની કન્ફર્મ તારીખ! જાણો ક્યારે થશે રિલીઝ?

આ ફિલ્મમાં વિજય સેતુપતિએ 'સૂરી' નો રોલ કર્યો છે. તે ઉપરાંત, મંજુ વારિયર, ગૌતમ વાસુદેવ મેનન અને ભાવની શ્રે જેવા કલાકારો પણ આ ફિલ્મમાં નજરે પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ