Operation Sindoor / ઓપરેશન સિંદૂર પર ફિલ્મની જાહેરાત, પહેલું પોસ્ટર રિલીઝ, જાણો કોણ બનાવી રહ્યું છે ફિલ્મ

એક તરફ જ્યાં ભારતીય સશસ્ત્ર દળો પાકિસ્તાનને જડબાતોડ જવાબ આપી રહ્યા છે, ત્યાં બીજી તરફ, પાકિસ્તાન સામે ભારતના બદલો લેવાના મિશન જેને સેનાએ ઓપરેશન સિંદૂર નામ આપ્યું છે, તેના પર હવે ફિલ્મ બનવા જઈ રહી છે. આ ફિલ્મની જાહેરાત થઈ ગઈ છે. વિરલ ભાયાણીના જણાવ્યા અનુસાર, આ ફિલ્મ નિક્કી-વિકી ભગનાની ફિલ્મ્સ અને કન્ટેન્ટ એન્જિનિયરના બેનર હેઠળ બનવા જઈ રહી છે. આ ફિલ્મની જાહેરાત એક AI પોસ્ટર દ્વારા કરવામાં આવી છે. પોસ્ટરમાં એક મહિલા લશ્કરી અધિકારી હાથમાં બંદૂક સાથે કાર્યવાહીની તૈયારી કરતી જોવા મળે છે. પોસ્ટર પર લખ્યું છે 'ભારત માતા કી જય ઓપરેશન સિંદૂર.'

View this post on Instagram

A post shared by Viral Bhayani (@viralbhayani)

આ ફિલ્મ જેકી ભગનાનીના પિતરાઈ ભાઈ વિકી ભગનાની દ્વારા બનાવવામાં આવી રહી છે. વિકીએ પોતાની ઇન્સ્ટાગ્રામ સ્ટોરી પર વાયરલની પોસ્ટ શેર કરીને પોતાની ફિલ્મની જાહેરાત પણ કરી છે. હમણાં ફક્ત ફિલ્મની જાહેરાત થઈ છે. આ ફિલ્મની સ્ટાર કાસ્ટ અંગે કોઈ માહિતી શેર કરવામાં આવી નથી. ઉત્તમ મહેશ્વરી અને નીતિન કુમાર ગુપ્તા આ ફિલ્મનું સંયુક્ત રીતે દિગ્દર્શન કરી રહ્યા છે. વિક્કી ભગનાની બોલિવૂડમાં એક મોટું નામ છે. તેમણે સોનાક્ષી સિંહા સાથે 'નિકિતા રોય' નામની એક ફિલ્મ પણ બનાવી છે. સોનાક્ષીની આ ફિલ્મ 30 મેના રોજ રિલીઝ થઈ રહી છે.

વધુ વાંચો : ઓપરેશન સિંદૂર પછી આ કારણે અમિતાભ બચ્ચન સોશિયલ મીડિયા પર થયા ટ્રોલ

'ઓપરેશન સિંદૂર' એ ભારતીય સશસ્ત્ર દળો દ્વારા પાકિસ્તાન સામે હાથ ધરવામાં આવેલું એક મિશન છે. પાકિસ્તાની આતંકવાદીઓએ 22 એપ્રિલે જમ્મુ અને કાશ્મીરના પહેલગામમાં હુમલો કર્યો હતો અને 26 નિર્દોષ લોકોની હત્યા કરી હતી. પાકિસ્તાનને જવાબ આપવા માટે 7 મેના રોજ, ભારતીય સશસ્ત્ર દળોએ ઓપરેશન સિંદૂર શરૂ કર્યું અને પાકિસ્તાનમાં 9 આતંકવાદી ઠેકાણાઓનો નાશ કર્યો. હવે આ ઘટનાની સ્ટોરી પડદા પર બતાવવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ