મનોરંજન / આ શું? 52માં દિવસે છાવાએ અચાનક લગાવી છલાંગ, 'એમ્પુરાન'એ પણ ઇતિહાસ રચી કાઢ્યો

ભારતીય બોક્સ ઑફિસ પર રવિવારના દિવસે એવું કંઇક બન્યું કે બધાને આશ્ચર્યમાં મૂકી દીધા. વિક્કી કૌશલની ‘છાવા’ છેલ્લા 6 દિવસથી લાખોમાં કમાણી કરી રહી હતી, પણ રવિવારે રિલીઝના 52મા દિવસે તેણે ભારે છલાંગ લગાવી છે. આ પીરિયડ ડ્રામા ફિલ્મે તેના 8મા વિકએન્ડમાં 1.42 કરોડ રૂપિયાની શાનદાર કમાણી કરી છે.

બીજી તરફ, મોહનલાલ અને પૃથ્વીરાજ સુકુમારનની ‘એલ 2: એમ્પુરાન’ માત્ર 11 દિવસમાં જ મલયાલમ સિનેમાની વિશ્વભરમાં સૌથી વધુ કમાણી કરતી ફિલ્મ બની ગઈ છે. રસપ્રદ વાત એ છે કે આ ફિલ્મે દેશ કરતાં વિદેશોમાં વધુ કમાણી કરી છે અને મોલિવૂડના અગાઉના તમામ રેકોર્ડ તોડીને નવો માઇલસ્ટોન બનાવ્યો છે.

સિકંદરનું નેટ કલેકશન

‘છાવા’ને રવિવારે સલમાન ખાની ‘સિકંદર’ની ધીમી ચાલનો ફાયદો થયો છે. એ. આર. મુરુગદોસના દિગ્દર્શનમાં બનેલી ‘સિકંદર’એ પણ 8 દિવસમાં દેશમાં 102.25 કરોડ રૂપિયાનું નેટ કલેકશન કર્યું છે. પણ સલમાન જેવા સુપરસ્ટારની ફિલ્મ પાસેથી જેવી બમ્પર કમાણીની અપેક્ષા હોય છે, તે હિસાબે ‘સિકંદર’ થોડી નબળી પડતી જોવા મળી છે. રવિવારે ‘સિકંદર’એ દેશમાં 4.50 કરોડ રૂપિયાનો નેટ કલેકશન કર્યો છે.

‘છાવા’ બોક્સ ઑફિસ કલેકશન - દિવસ 52

લક્ષ્મણ ઉતેકર દિગ્દર્શિત ‘છાવા’ની કમાણીમાં રવિવારે 49.47%નો વધારો જોવા મળ્યો છે. ગણતરીના શો છતાં ફિલ્મે 52મા દિવસે 1.42 કરોડ રૂપિયાનું નેટ કલેકશન કર્યું છે. જ્યારે શનિવારે 95 લાખ રૂપિયા અને શુક્રવારે 55 લાખ રૂપિયાની કમાણી થઈ હતી. હવે ‘છાવા’નું કુલ કલેકશન દેશમાં 598.62 કરોડ રૂપિયા થયું છે, જેમાંથી હિન્દી વર્ઝનથી 582.75 કરોડ અને તેલુગુ વર્ઝનથી 15.87 કરોડ રૂપિયાની કમાણી થઈ છે.

‘છાવા’ વિશ્વભરનું કલેકશન - દિવસ 52

વિશ્વભરમાં ‘છાવા’એ 52 દિવસમાં 804.50 કરોડ રૂપિયાનું ગ્રોસ કલેકશન કર્યું છે. જોકે ફિલ્મ હજુ પણ વિદેશોમાં 100 કરોડ સુધી પહોંચી નથી શકી અને 91 કરોડ રૂપિયા પર અટકી ગઈ છે. 130 કરોડના બજેટમાં બનેલી આ ફિલ્મ હવે ઓટીટી પર પણ આવતી થઈ રહી છે. ચર્ચા છે કે ‘છાવા’ 11 એપ્રિલથી Netflix પર સ્ટ્રીમ થવા જઈ રહી છે.

મોલિવૂડની સૌથી વધુ કમાણી કરનારી ફિલ્મ ‘એમ્પુરાન’

બીજી તરફ, ‘એલ 2: એમ્પુરાન’ને લઈને એક તરફ વિવાદો અટકવાનું નામ નથી લેતા, તો બીજી તરફ આ ફિલ્મે બોક્સ ઑફિસ પર ઇતિહાસ રચી દીધો છે. અત્યાર સુધીની સૌથી વધુ કમાણી કરનારી મલયાલમ ફિલ્મ બની ગઈ છે. ભલે બીજું વિકએન્ડ સાદું રહ્યું હોય, પણ પૃથ્વીરાજ સુકુમારનના દિગ્દર્શનમાં બનેલી આ ફિલ્મ દેશ કરતાં વિદેશોમાં વધુ કમાણી કરીને મોલિવૂડની ટોચની ફિલ્મ બની ગઈ છે.

‘એલ 2: એમ્પુરાન’ બોક્સ ઑફિસ કલેકશન

ફિલ્મે 11મા દિવસે દેશમાં તમામ 5 ભાષાઓને મળીને 3.85 કરોડ રૂપિયાનું નેટ કલેકશન કર્યું છે. ફિલ્મનું કુલ કલેકશન હવે દેશમાં 98.35 કરોડ રૂપિયા થયું છે. સોમવારે આ ફિલ્મ 100 કરોડ ક્લબમાં સામેલ થઈ જશે. દેશમાં સૌથી વધુ કમાણી મલયાલમ વર્ઝનથી થઈ છે. 11 દિવસમાં મલયાલમ વર્ઝનથી 89.34 કરોડ અને હિન્દી વર્ઝનથી માત્ર 2.26 કરોડ રૂપિયાની કમાણી થઈ છે.

‘એલ 2: એમ્પુરાન’ વિશ્વભરનો કલેકશન - દિવસ 11

આ ફિલ્મ દુનિયાભરમાં 250 કરોડ રૂપિયાથી વધુ કમાણી કરનારી પ્રથમ મલયાલમ ફિલ્મ બની ગઈ છે. 11 દિવસમાં 253.50 કરોડ રૂપિયાનો ગ્રોસ કલેકશન થયો છે. આ પહેલા સૌથી વધુ કમાણી કરનારી મલયાલમ ફિલ્મ ‘મંજુમ્મેલ બૉયઝ’ હતી, જેનું કુલ ગ્રોસ કલેકશન 241.03 કરોડ અને દેશમાં નેટ કલેકશન 142.08 કરોડ રૂપિયા હતું.

વધુ વાંચો: આ વીકમાં OTT પર ધમાલ મચાવશે આ વેબ સિરીઝ સહિતની ફિલ્મો, મોજ પડી જશે

વિદેશોમાં વધુ કમાણી કરનાર ‘એલ 2: એમ્પુરાન’

મોહનલાલની ‘એલ 2: એમ્પુરાન’નું બજેટ 180 કરોડ રૂપિયા છે. એટલે ભારતમાં આ ફિલ્મને હિટ થવા માટે હજી લાંબી સફર વટાવવી પડશે. પણ સૌથી રસપ્રદ વાત એ છે કે ફિલ્મે વિદેશોમાં 11 દિવસમાં 139.50 કરોડ અને ભારતમાં 114 કરોડ રૂપિયાનું ગ્રોસ કલેકશનકર્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ