'બિગ બૉસ 12' ના પ્રીમિયર પર જેટલા મોટા ધડાકાની આશંકા હતી તેનાથી કેટલાય મોટો ધડાકો અનુપ જલોટાએ કર્યો છે. આ વખતની શોની થીમ થોડી વિચિત્ર છે. બધા જ લોકો જાણવા માટે ઉત્સુક હતા કે આ વખતે કયા કયા સેલિબ્રેટી બિગ બૉસ 12માં ભાગ બન્યા છે. દર્શકોને આધાત ત્યારે લાગ્યો જ્યારે સિંગર અનુપ જલોટા પોતાની ગર્લફ્રેન્ડ જસલીન મથારૂ સાથે જોડી બનાવી શો પર પહોંચ્યા. 65 વર્ષના અનુપ જલોટાની ગર્લફ્રેન્ડ તેમના કરતા 37 વર્ષ નાની છે.
અનુપ જલોટા પોતાની રિલેશનશિપને લઇને તો ચર્ચામાં છે જે પણ સાથોસાથ તેમની વિચારધારા પણ ઘણી બોલ્ડ છે. જસલીન સાથે તેમના સંબંધોને સોશ્યલ મીડિયા પર ટ્રોલ કરવામાં આવી રહ્યા છે જેનાથી તેમણે કોઇ ફરક પડતો નથી.
બિગ બૉસ 12ના ઘરમાં એન્ટ્રી લેતા પહેલા જલોટા જણાવ્યુ કે ''શોના અન્ય કન્ટેસ્ટ્ન્ટ્સની સરખામણીએ હું ભલે મોટો હોવ પણ વિચારધારા તેમના કરતા વધારે મોર્ડન છું. લોકો વિચારે છે કે ભજન ગાય છે તો સાધુ સંત હશે પરંતુ એવું નથી હું ખૂબ જ મસ્તીવાળો માણસ છું. હું લાઇફમાં જે મજા કરું છું તે બધુ જ બિગબોસમાં જોવા મળશે. હું ઇચ્છું છુ કે તમે આ શો જોઇને મારી પર્સનાલિટી ઓળખો.''
જસલીન અને અનુપ જલોટાનું માનવું છે કે તેઓ કોઇ સ્ટ્રેટર્જી બનાવીને શોમાં નથી ગયા. જસલીન અને અનુપ જલોટા છેલ્લા 3 વર્ષથી રિલેશનશિપમાં છે. જસલીન પહેલા અનુપ જલોટાની લાઇફમાં 3 સ્ત્રીઓ આવી ચૂકી હતી અને તેમની સાથે જલોટાએ લગ્ન પણ કર્યા હતા જોકે જસલીનના માતા-પિતા તેઓ અનુપની સાથે રિલેશનશિપમાં છે તે અંગેનો ખ્યાલ નથી.