પોલીસ વેલ્ફેરની મીટિંગમાં લેવાયેલા મહત્વના નિર્ણયોને મંજૂરી મળી ગઈ છે. જે મુજબ પોલીસ કર્મી અને તેમના પરિવારનું દર વર્ષે ફ્રી હેલ્થ ચેકઅપ થશે. જેનો ડેટા ઈ ગુજકોપ પર અપલોડ કરવા સુચના અપાઇ છે.
આ ઉપરાંત પોલીસકર્મીઓના સંતાનોના લગ્ન માટે લોનની મંજૂરી કરાઇ છે. દીકરીના લગ્નમાં રૂ.50 હજાર, દીકરાના લગ્નમાં રૂ.30 હજારની લોન મંજૂર કરાઇ છે. આ સાથે મંગળસૂત્ર લોન, મોતીયાના ઓપરેશન અને મરણોત્તર સહાયમાં કરાયો વધારો છે. જ્યારે વેલ્ફેર ફંડમાં ફરજ બજાવતા કર્મચારીઓના પગારમાં પણ કરાયો વધારો છે. ગંભીર બિમારીનો ડેટા અલગથી તૈયાર કરવો અને જે અંગે કર્મચારીને તમામ સહાય મળે તે માટે અધિકારીએ માર્ગદર્શન કરવાનું રહેશે.