ક્રિકેટ / કોરોના સામેની લડાઈમાં ઈંગ્લેંડ ક્રિકેટ બોર્ડે આપ્યું આટલા કરોડનું; મહિલા ક્રિકેટરોનો નિર્ણય જાણીને માન થશે

5 લાખના ડોનેશન માટે પુરુષ ક્રિકેટ ટીમના ખેલાડીઓનો 20% જેટલો પગાર કાપવામાં આવશે અને મહિલાઓ જેમનો પગાર પુરુષો કરતા ઓછો હોય તેમને સ્વયંભૂ રીતે જોડાઈને પોતાનો પગાર આગામી 3 મહિના એપ્રિલ, મે અને જૂનમાં કાપવાની રજુઆત કરી હતી.

કોવિડ 19 સામેની આ લડાઈમાં પોતાનો પગાર કાપીને તેમાંથી દાન આપીને આ તમામ ખેલાડીઓ જોડાયા છે. આ માટે સૌથી પહેલા ECB એટલે કે ઇંગ્લેન્ડ એન્ડ વેલ્સ ક્રિકેટ બોર્ડે સૌપ્રથમ આ પ્રસ્તાવ ખેલાડીઓના એસોસિએશન પ્રોફેશનલ ક્રિકેટર્સ એસોસિએશનને મોકલ્યો હતો. જેમણે આ સારા કામ માટે પોતાનું યોગદાન આપવા માટે આ પ્રસ્તાવ સ્વીકાર્યો હતો. આ ચેરિટેબલ ડોનેશનમાં ચોક્કસ કેટલી રકમ જશે તે હજુ સ્પષ્ટ થયું નથી પણ ખેલાડીઓએ પોતાના ત્રણ મહિનાના પગારને કાપવાની રાજીખુશીથી હા પાડી છે. 

ખેલાડીઓએ કહ્યું છે કે આ વિકટ પરિસ્થિતિમાં રમતને અને સમાજને કયા કયા પડકારો સામે આવી રહ્યા છે અને તેના માટે ભેગા મળીને શું કરી શકાય તે વિષે ખેલાડીઓ બોર્ડ સાથે સતત ચર્ચા કરશે.

નોંધનીય છે કે ઇંગ્લેન્ડના ખેલાડીઓના આ પ્રયત્નો ઉપરાંત ઇંગ્લિશ વિકેટકિપર જોસ બટલરે તેની 2019ની વર્લ્ડ કપની ટી શર્ટ હરાજી માટે મૂકી છે જયારે મહિલા ટીમની કેપ્ટન હિથર નાઈટ લોકસેવા માટે નેશનલ હેલ્થ સર્વિસમાં સ્વયંસેવક તરીકે જોડાઈ છે.