ક્રિકેટ / પહેલી જ મેચમાં આયરલેન્ડ સામે ઇંગ્લેન્ડ 85 રનમાં ઑલઆઉટ

ઇંગ્લેન્ડે પહેલી 5 વિકેટ માત્ર 23 રને જ ગુમાવી દીધી હતી. આ મેચમાં ઇંગ્લેન્ડ ટીમની કેપ્ટન જો રૂટે ટૉસ જીતીને પહેલા બેટિંગ કરવાનો નિર્ણય કર્યો. પહેલા બેટિંગ કરવા માટે આવેલી ઇંગ્લિશ ટીમે 23.4 ઑવરમાં માત્ર 85 રન જ કર્યા. 

85 ALL OUT!

It's been a dreamlike morning for Ireland. Five wickets for the brilliant Murtagh, three for Adair and Rankin with two.

FOLLOW #ENGvIRE 👇 https://t.co/fyHbjx2IoF pic.twitter.com/qNVtXl40VX

— ICC (@ICC) July 24, 2019

ઇંગ્લેન્ડની તરફથી સૌથી વધારે 23 રન જો ડેનલીએ બનાવ્યા. આ સિવાય સેમ કુરન 18 અને ઓલી સ્ટોન 19 રન બનાવીને આઉટ થઇ ગયા. તો કેપ્ટન સહિતના 8 ખિલાડીઓ ના રમ્યા. આયરલેન્ડ તરફથી ફાસ્ટ બૉલર ટિમ મુર્ટાગ અને માર્ક અડેરે શાનદાર બૉલિંગ કરી. મુર્ટાગે પોતાના કરિયરમાં પહેલી વખત 5 વિકેટ મેળવી, જ્યારે અડેરે 3 વિકેટો ઝડપી. આ ઉપરાંત બોયડ રેન્કિંને પણ 2 વિકેટો ખેરવી. આયરલેન્ડે માત્ર 4 બૉલરોને ઉપયોગ કર્યો, જેમાંથી સ્ટુઅર્ટ થૉમસનને કોઇ સફળતા ના મળી. 

ઓસ્ટ્રેલિયા વિરુદ્ઘ 1 ઓગ્સ્ટથી શરૂ થનારી એશિઝ સીરિઝ પહેલા ઇંગ્લેન્ડ અને આયરલેન્ડની વચ્ચે ચાર દિવસીય ટેસ્ટ મેચ રમાઇ રહી છે. ઉલ્લેખનીય છે કે, આયરલેન્ડને હજુ થોડા સમય પહેલા જ ટેસ્ટ ક્રિકેટ નેશનનો દરજ્જો મળ્યો છે. તે માત્ર પોતાની બીજી ટેસ્ટ મેચ રમી રહી છે. ઇંગ્લેન્ડ જેવી મજબૂત ટીમને આટલા ઓછા સ્કોરે આઉટ કરીને તેણે સંકેત આપી દીધા છે, કે તે સારુ રમી શકે છે.

ટેસ્ટ ક્રિકેટમાં ઇંગ્લેન્ડની સૌથી ટૂંકી ઇનિંગ્સ:

15.4 ઓવર vs ઓસ્ટ્રેલિયા, મેલબોર્ન 1902
19.1 ઓવર vs વેસ્ટ ઇન્ડિઝ, પોર્ટ ઓફ સ્પેન 1994
20.4 ઓવર vs કિવિઝ, ઓકલેન્ડ 2018
22.5 ઓવર vs ઓસ્ટ્રેલિયા, મેલબોર્ન 1904
23.4 ઓવર vs આયરલેન્ડ, લોર્ડ્સ 2019