દક્ષિણ આફ્રિકા સામેની મેચમાં ઈંગ્લેન્ડનો એનાલિસ્ટ નાથન લેમન ડ્રેસિંગરૂમમાં બેઠો હતો અને બાલકનીમાંથી કેટલાક નંબર અને શબ્દોનું કાર્ડ દેખાડી રહ્યો હતો.
ECB અને કેપ્ટન ઈઓન મોર્ગને સ્પષ્ટતા કરવી પડી
''આ રમતની ભાવના અંતર્ગત જ છે." મોર્ગનનો દાવો
ઈંગ્લેન્ડની ટીમ હાલ દક્ષિણ આફ્રિકાના પ્રવાસ પર છે. કેપ્ટન ઈઓન મોર્ગને જણાવ્યું કે તેની ટીમે એક મેચ દરમિયાન એક વિશ્લેષક (એનાલિસ્ટ) દ્વારા આપવામાં આવેલી જાણકારીનો ઉપયોગ ૧૦૦ ટકા રમતની ભાવનાની મર્યાદામાં રહીને જ કર્યો છે. ઈંગ્લેન્ડનો એનાલિસ્ટ નાથન લેમન ડ્રેસિંગરૂમમાં બેઠો હતો અને બાલકનીમાંથી કેટલાક નંબર અને શબ્દોનું કાર્ડ દેખાડી રહ્યો હતો. આ કાર્ડમાં '4E' અને '2C' લખ્યું હતું. આ ઘટનાની તસવીરો સોશિયલ મીડિયામાં વાઇરલ થઈ રહી છે. ઈંગ્લેન્ડના આ ડ્રેસિંગરૂમનું દૃશ્ય તાજેતરમાં ઈંગ્લેન્ડ અને દક્ષિણ આફ્રિકા વચ્ચે પૂરી થયેલી ટી-૨૦ મેચ દરમિયાન જોવા મળ્યું હતું.
ઈંગ્લેન્ડના કેપ્ટન મોર્ગને સ્પષ્ટતા કરવી પડી
આ અંગે વિવાદ સર્જાતા ઈંગ્લેન્ડના કેપ્ટન મોર્ગનને સ્પષ્ટતા કરવી પડી છે. મોર્ગને કહ્યું, ''મારા માટે આ એક એવી પ્રણાલી છે, જેનો ઉપયોગ અમે સ્વયં અને બીજા કેપ્ટનોની મદદ કરવા માટે કરી રહ્યા છીએ, જેથી મેદાનમાં નિર્ણય લઈ શકાય અને તેની સરખામણી એ મુશ્કેલ ડેટા સાથે થઈ શકે, જે અમારી પાસે છે.''
''આ રમતની ભાવના અંતર્ગત જ છે." મોર્ગનનો દાવો
ડ્રેસિંગરૂમમાંથી મળતા સિગ્નલને લઈને મોર્ગને દાવો કર્યો છે કે, ''આ રમતની ભાવના અંતર્ગત જ છે. એમાં કોઈ ખરાબ ભાવના નથી. આ એ સૂચનાઓનો વધુમાં વધુ પ્રયોગ કરવા અંગે છે, જે અમે લઈ રહ્યા છીએ અને ચીજોને કોચની ભલામણ અનુસાર માપી રહ્યા છીએ, ડેટામાં શું ચાલી રહ્યું છે. અમે નિશ્ચિત રીતે આને જારી રાખવાના છીએ અને એ જોઈશું કે તેનાથી શું ફરક પડે છે.''
મોર્ગને અંતમાં જણાવ્યું, ''મેદાનમાં લેવામાં આવેલા નિર્ણયો એ ડેટાથી બહુ ભિન્ન નહોતા, જે સંકેત અંતર્ગત આપવામાં આવી રહ્યા હતા. એવો કોઈ નિર્ણય નહોતો, જે અલગ હતો. મને લાગે છે કે પ્રથમ મેચમાં ત્રણ, બીજી મેચમાં બે અને ત્રીજી મેચમાં એક નિર્ણય હતો. મને એ જાણીને સારું લાગ્યું કે મોટા ભાગના નિર્ણય સાચા હતા.''
"એ લોકો પોતાની લોટરીનો નંબર તપાસી રહ્યા હશે.": જોસ બટલરની મજાક
આ ઘટના અંગે જોસ બટલરને પૂછવામાં આવતા તેણે મજાકિયા અંદાજમાં જવાબ આપ્યો હતો કે, ''એ લોકો પોતાની લોટરીનો નંબર તપાસી રહ્યા હશે.'' ત્યાર બાદ તેણે જણાવ્યું, ''બીજી ટીમો સાથે મેચ-અપ કરવા માટે મોર્ગન અને નાથન લેમન મળીને સારી રીતે કામ કરી રહ્યા છે. આઇપીએલમાં અમારી પાસે બે ટાઇમ આઉટ રહેતા હતા, જેમાં તમે એનાલિસ્ટ સાથે વાત કરી શકો છો, પરંતુ તમારે તેનો ઉપયોગ કેવી રીતે કરવાનો છે એના માટે તમારે ઘણું સતર્ક રહેવું હોય છે.''