ભારત અને ઇંગ્લેન્ડ વચ્ચે પહેલી વનડે મેચ લંડનના કેનિંગ્ટન ઓવલમાં રમાઇ રહી છે. બંને ટીમો વચ્ચે 3 મેચની સિરીઝ રમાવાની છે. ત્યારે પ્રથમ મેચમાં જ ઇંગ્લેન્ડ 110 રનમાં ઓલ આઉટ થઇ ગઈ છે.
ભારતને મળ્યો આસન 111 રનોનો ટાર્ગેટ
ઈંગ્લેન્ડની ઈનિંગ 110 રનમાં જ ઓલઆઉટ થઈ
ઈંગ્લેન્ડના 4 ખેલાડીઓ ખાતું ખોલ્યા વગર જ પરત ફર્યા
111 રનનો ટાર્ગેટ ભારતીય ટીમ માટે
ઈંગ્લેન્ડની ઈનિંગ 110 રનમાં જ ઓલઆઉટ થઈ ગઈ હતી. ટીમ ઇન્ડિયા તરફથી જસપ્રિત બુમરાહે સૌથી વધુ વિકેટ લીધી હતી. તેણે 7.2 ઓવરમાં 19 રન આપીને 6 વિકેટ ઝડપી હતી. તે જ સમયે, મોહમ્મદ શમીએ 3 વિકેટ તેના નામે કરી હતી અને 1 વિકેટ પ્રખ્યાત કૃષ્ણાને મળી હતી.
4 પ્લેયર 0 રન સાથે પરત ફર્યા
ભારતીય બોલરો સામે ઈંગ્લેન્ડના 4 ખેલાડીઓને ખાતું ખોલવાનો પણ મોકો આપવામાં ન આવ્યો હતો તેમાં Jason Roy, Joe Root, Liam Livingstone અને Ben Stokes ના દિગ્ગજ ખેલાડીઓના નામ સામેલ છે, સૌથી વધુ રન ઈંગ્લેન્ડના કેપ્ટન Jos Buttler કર્યા હતા, તેને 32 બોલમાં 30 રણ કર્યા હતા.
બુમરાહના નામે વધુ એક ઉપલબ્ધિ
ભારત સામેની વન ડેમાં ઈંગ્લેન્ડનો લોએસ્ટ સ્કોર રહ્યો છે. આ પહેલા 2006માં જયપુરમાં રમાયેલી વન ડે મેચમાં ઇંગ્લેન્ડની ટીમ 125ના સ્કોર પર ભારતીય બોલરોના હાથે ઓલ આઉટ થઇ ગઇ હતી. એટલું જ નહીં જસપ્રિત બુમરાહે પણ પોતાના નામે એક ખાસ ઉપલબ્ધિ મેળવી, વનડેમાં તેણે પોતાનું સર્વશ્રેષ્ઠ પ્રદર્શન કર્યું. બુમરાહે મેચમાં માત્ર 19 રન આપીને 6 વિકેટ ઝડપી હતી. આ સાથે બુમરાહ ભારત તરફથી વન ડેમાં શ્રેષ્ઠ દેખાવ કરનારો ત્રીજો બોલર બની ગયો છે. આ યાદીમાં સ્ટુઅર્ટ બિન્ની ટોપ પર છે, જેણે મીરપુરમાં બાંગ્લાદેશ સામે માત્ર 4 રન આપીને 6 વિકેટ ઝડપી હતી. તે જ સમયે, દિગ્ગજ સ્પિનર અને ભૂતપૂર્વ કોચ અનિલ કુંબલેએ વર્ષ 1993 માં કોલકાતામાં વેસ્ટ ઇન્ડીઝ સામે 6 વિકેટ લીધી હતી.