VIDEO / ઈંગ્લેન્ડમાં હિન્દુ મંદિર બહાર 200 જેટલા લોકોની ભીડ એકઠી થઈ, અલ્લાહૂ અકબરના નારા લગાવ્યા

• ઈંગ્લેન્ડમાં માહોલ ખરાબ થયો
• ઈંગ્લેન્ડના લીસેસ્ટર શહેરમાં હિન્દુ અને મુસ્લિમ વચ્ચે સંઘર્ષ
• ઉપદ્રવીઓએ હિન્દુ મંદિર સામે નારા લગાવ્યા

ભારત અને પાકિસ્તાનની વચ્ચે ઓગસ્ટના અંતમાં થયેલા એશિયા કપ બાદ ઈંગ્લેન્ડમાં માહોલ ખરાબ થયેલો છે. હકીકતમાં ઈંગ્લેન્ડના લીસેસ્ટર શહેરમાં મેચ બાદ કથિત રીતે હિન્દુ અને મુસ્લિમ ગ્રુપ વચ્ચે સંઘર્ષ થયા છે. આ દરમિયાન શહેરના અમુક વિસ્તારમાં ઉપદ્રવ જોવા મળ્યો હતો. આ તમામ વચ્ચે દાવો કરવામા આવ્યો છે કે, મંગળવારે સ્મેથવિકમાં 200થી વધારે લોકો એક હિન્દુ મંદિર બહાર પ્રદર્શન કરવા એકઠા થયા હતા. આ દરમિયાન તેમણે મંદિર પરિસરમાં ઘુસવાની કોશિશ પણ કરી હતી, પણ પોલીસે તેમના પર કંટ્રોલ કરી રાખ્યો હતો.

Look at this 👇

First Leicester, now Smethwick. Where next?

Around 200 people marching towards the Durga Bhawan Hindu Centre.

It is clearly intimidating and frightening for local Hindus.

The security services need to crackdown on these anti-Hindu thugs. pic.twitter.com/okafSjDsaR

— Wasiq Wasiq (@WasiqUK) September 20, 2022

આ ઘટનાનો વીડિયો હવે સોશિયલ મીડિયા પર વાયરલ થઈ રહ્યો છે. તેમાં જોઈ શકાય છે કે, સ્પોન લેનમાં આવેલ દુર્ગાભવન હિન્દુ સેન્ટરની બહાર લોકોની ભીડ એકઠી થઈ છે. આ દરમિયાન કેટલાય લોકો અલ્લાહૂ અકબરના નારા લગાવી રહ્યા છે. જ્યારે આ પ્રદર્શનકારીઓ પર કાબૂ મેળવવા માટે પોલીસ પહોંચી તો, લોકો દીવાલ કૂદવાની કોશિશ કરી રહ્યા હતા.

સદ્ભાવનાની અપીલ કરાઈ

તો વળી પૂર્વી ઈંગ્લેન્ડના શહેર લીસેસ્ટરમાં ઉપદ્રવ બાદ હિન્દુ અને મુસલમાન સમુદાયના નેતાઓએ મંગળવારે એક સાથે સદ્ભાવનાની અપલી કરી છે. તો વળી બીજી તરફ પોલીસે ભારત-પાકિસ્તાન ક્રિકેટ મેચ બાદ થયેલી હિંસક અથડામણને લઈને 47 લોકોની ધરપકડ પણ કરી છે. શહેરના ઈસ્કોમ ટેમ્પલના અધ્યક્ષ પ્રદ્યમ્ન દાસે શહેરની એક મસ્જિદ બહાર મુસ્લિમ સમુદાયના નેતાઓની સાથે એક નિવેદન વાંચ્યું જેમાં ગત અઠવાડીયે થયેલી હિંસા પર દુ:ખ વ્યક્ત કર્યું હતું.

More footage shows the awful treatment British Hindus are somehow expected to tolerate.

Shameful. pic.twitter.com/Zwxj9oND4O

— Wasiq Wasiq (@WasiqUK) September 20, 2022

સમુદાયના નેતાઓએ માગ કરી છે કે, ઘૃણા ભડકાવતા લીસેસ્ટરને છોડી દો અને ઉશ્કેરણીની કાર્યવાહી અને હિંસાને તાત્કાલિક બંધ કરવામાં આવે. નિવેદનમાં કહેવામાં આવ્યું છે. અમારી વચ્ચે દ્વેષ ઊભા કરનારા કોઈ પણ વ્યક્તિ માટે અમારા મેસેજ સ્પષ્ટ છે. અમે આપને સફળ થવા દઈશું નહીં. અમે બધાને મસ્જિદો અને મંદિરો સહિત ધાર્મિક સ્થળોની સમાન રીતે પવિત્રતાનું સમ્માન કરવાનું કહીએ છીએ.