ઈગ્લેન્ડે શ્રીલંકાને હરાવીને T20 વર્લ્ડકપ 2022 ની સેમિફાઈનલમાં પ્રવેશ કરી લીધો છે. ગ્રુપ-1 માં હવે ન્યૂઝીલેન્ડ અને ઈગ્લેન્ડની ટીમ સેમીફાઈનલમાં પહોચી છે અને ગ્રુપ-2 નો નિર્ણય રવિવારે થવાનો છે.
T20 વર્લ્ડ કપ 2022 માં ગ્રુપ-1 માં નિર્ણય થઈ ગયો છે. ત્યારે શનિવારે રમાયેલ મેચમાં શ્રીલંકાને હરાવીને ઈગ્લેન્ડે સેમીફાઈનલમાં પોતાની જગ્યા પાક્કી કરી લીધી છે. એ સાથે જ વર્તમાન જીતેલ ટીમ અને યજમાન ઓસ્ટ્રેલિયા T20 વર્લ્ડ કપમાંથી બહાર થઈ ગયા છે. ગ્રુપ-1 માંથી ન્યૂઝીલેન્ડ અને ઈગ્લેન્ડને સેમિફાઈનલ માટે ક્વોલિફાઈડ થઈ છે.
શ્રીલંકાએ આ મેચમાં ઈગ્લેન્ડને 142 રનનો ટાર્ગેટ આપ્યો હતો. સ્ટાર પ્લેયર સ્ટોક્સની મદદથી 42 રન બનાવીને છેલ્લી ઓવરમાં જીત હાંસલ કરી હતી. ઈગ્લેન્ડને આ મેચ દરમ્યાન બે ઝટકા લાગ્યા હતા ત્યારે એવું લાગતું હતું કે મેચ હાથમાંથી જઈ રહી છે અને શ્રીલંકા આ મેચમાં જીત મેળવી શકે છે. પરંતુ બેન સ્ટોક્સે એક છેડેથી મેચને પકડી રાખી અને છેલ્લી ઓવરમાં ટીમને સેમિફાઈનલમાં પહોચાડી દીધી હતી.
So much still to play for heading into the final match in Group 1 at the #T20WorldCup 👊
પ્રથમ બેટિંગ કરતા શ્રીલંકાએ 141 રન બનાવ્યા હતા. ટીમ વતી ઓપનર પથુમ નિસાન્કાએ 67 રનની ધમાકેદાર બેટીંગ કરી હતી, ભાનુકા રાજપક્ષે 22 રનની શાનદાર ઈનીંગ રમી હતી. એક સમયે એવું લાગતું હતું કે શ્રીલંકા મોટા સ્કોર સુધી જઈ શકે છે, પરંતુ મિડલ ઓર્ડરે આ વખતે દગો આપ્યો. આવી સ્થિતિમાં શ્રીલંકા 20 ઓવરમાં 141 રન જ બનાવી શકી હતી.