WC 2019 / હાથમાં બેનર લઈને ભારતીયો પાસે ટિકિટ માગતાં રહ્યાં અંગ્રેજ અને કિવિ પ્રશંસકો

BCCI અને ભારતીય કંપનીઓ જ નહીં, બલકે ટીમ ઇન્ડિયાના પ્રશંસકોનો પણ આ રમતમાં દબદબો છે. ઈંગ્લેન્ડમાં ગઈ કાલે પૂરા થયેલા વર્લ્ડકપની ઘણી મેચમાં - ખાસ કરીને ભારતની મેચોમાં ફ્કત ભારતીય દર્શકો જ જોવા મળ્યા હતા. વિરાટ સેનાનું તાજેતરનું પ્રદર્શન જોતાં ભારતીય પ્રશંસકોએ ફાઇનલ મુકાબલાની મોટા ભાગની ટિકિટ ખરીદી લીધી હતી, પરંતુ ઈંગ્લેન્ડ અને ન્યૂઝીલેન્ડની ટીમ ખિતાબી મુકાબલામાં પહોંચી ગઈ.

I hope these guys got the tickets to the #CWC19Final! Even kiwis were not expect their team in the final. #ENGvsNZ #BackTheBlackCaps pic.twitter.com/MMtj3lVfKq

— खूनी सूसू (@KhooniSuSu) July 14, 2019

ઈંગ્લેન્ડ-ન્યૂઝીલેન્ડ ફાઇનલમાં પહોંચવાને કારણે આ બંને દેશના પ્રશંસકોની આ મેચમાં દિલચસ્પી વધી ગઈ, પરંતુ ટિકિટો અગાઉથી જ વેચાઈ જવાને કારણે તેમને ટિકિટ મળતી નહોતી. સવારે જ્યારે લોકો લોર્ડ્સ તરફ જઈ રહ્યા હતા ત્યારે આ બંને દેશના પ્રશંસકોના હાથમાં બેનર જોવા મળ્યાં હતાં, જેમાં તેઓ ટિકિટ આપવાની વિનંતી કરી રહ્યા  હતા.

Fair to say a strong demand for tickets. #CWC2019 #ENGvsNZ pic.twitter.com/L4b4Z5Q8lk

— Pete Thompson (@petethommo) July 14, 2019

ન્યૂઝીલેન્ડનો એક ચાહક એન્ડી મેકમિલન સેન્ટ જોન વુડ્સ ટ્યૂબ સ્ટેશન પાસે હાથમાં બેનર લઈને ઊભો હતો. બેનરમાં લખ્યું હતું, ''હું સાચો પ્રશંસક છું. હું એ ભાવે ટિકિટ ખરીદી શકું છું, જેમાં મારે મારું ઘર ગિરવી ના મૂકવું પડે.'' જ્યારે ઈંગ્લેન્ડનો પ્રશંસક રોબર્ટ બોથમ સવારથી જ અહીં પહોંચી ગયો હતો અને લગભગ બે કલાક સુધી હાથમાં બેનર લઈને ફરતો રહ્યો, ત્યારે તેને ૮૦૦ પાઉન્ડમાં એક ટિકિટ મળી હતી.