ઇન્ગલેન્ડના પૂર્વ ક્રિકેટર ક્રિસ ટ્રેમલેટ હવે પૂર્ણ રીતે બદલાઇ ચૂક્યા છે. ક્રિકેટમાંથી નિવૃત્તિ લીધા બાદ હવે તે બોડી બિલ્ડિંગ અને વેઇટ લિફ્ટીંગ કરી રહ્યાં છે. ક્રિકેટ રમતા હતા ત્યારે તે દૂબળા પાતળા હતા પરંતુ હવે તેમણે એવી બોડી બનાવી લીધી છે કે મોટા મોટા પ્લેયર પણ તેમની પાસે ઠીંગણા લાગે છે.
એક સમયનો ક્રિકેટર હવે છે બોડી બિલ્ડર
ક્રિસ ટ્રેમલેટ પાસે બધા નાના લાગે છે
ઇન્ગલેન્ડના બૉલર ટ્રેમલેટે 2015માં કમરની પિડાને કારણે સન્યાસ લઇ લીધો હતો. તેમના ઇન્ટરનેશનલ કરિયરમાં ઇન્ગલેન્ડ માટે 12 ટેસ્ટ અને 15 વન ડે ઇન્ટરનેશનલ મૅચ રમ્યો હતો. તે સિવાય તેમણે હેંપશર અને સરે માટે કાઉન્ટી ક્રિકેટ પણ રમ્યુ હતુ.
બૉલર ક્રિકેટ દરમિયાન પોતાના કમરના દુખાવાથી પિડાતા રહ્યાં. તેણે 2012માં કમરનુ ઓપરેશન કરાવ્યુ હતુ પરંતુ તે બાદ પણ તેને સંપૂર્ણ રીતે આરામ ન મળ્યો.
ટ્રેમલેટને વર્ષ 2011માં ઓસ્ટ્રેલિયા વિરુદ્ધ એશેઝ સિરીઝમાં શાનદાર પ્રદર્શન કરીને ત્રણ મેચમાં 17 વિકેટ લીધી હતી.
2015માં સન્યાસ લીધા બાદ તેણે પોતાની જાતને સાવ બદલી જ નાંખી, તસવીર જોઇને તમે પણ હેરાન રહી જશો કે શું આ તે જ ટ્રેમલેટ છે. ક્રિકેટથી દૂર થયા બાદ તેમે તેની લાઇફ પાર્ટનર અને પોતાની જાત પર ધ્યાન આપ્યું. તે હાલમાં પોતાની ફીટનેસને લઇને ઘણા કોન્સિયસ છે અને ફીટનેસ પાછળ ઘણો સમય વ્યતિત કરે છે.
ક્રિસ પોતાની બોડી અને તસવીરોને લઇને સોશ્યલ મિડીયા પર છવાયેલા રહે છે