ક્રિકેટ / ઈંગ્લેન્ડના 11 ખેલાડીઓને અલગ રૂમમાં કરાયા બંધ, આ બીમારી છે મોટું કારણ

• ઈંગ્લેન્ડનું દક્ષિણ આફ્રિકા સામે ખરાબ પ્રદર્શન
• દક્ષિણ આફ્રિકાએ પ્રથમ ટેસ્ટ મેચમાં ઈંગ્લેન્ડને 107 રનથી હરાવ્યું
• હારનું કારણ તેના ખેલાડીઓની માંદગી હતી

ઈંગ્લેન્ડ ફ્લૂની ઝપટમાં

દક્ષિણ આફ્રિકા પહોંચ્યા પછીથી ઈંગ્લેન્ડના ખેલાડીઓ માંદા પડવાનો સિલસિલો ચાલુ છે. સોમવારે સાઉથ આફ્રિકા પ્રવાસ પર ગયેલી ટીમના બીમાર ક્રિકેટરોની યાદીમાં ઈંગ્લેન્ડના ઓપનર બેટ્સમેન ડોમિનિક સિબલે જોડાયા હતા. ટીમના એક પ્રવક્તાએ સોમવારે જણાવ્યું હતું કે, આ મહિને પ્રવાસ શરૂ થયા બાદથી 11 ખેલાડીઓ અને સપોર્ટ સ્ટાફના છ સભ્યો બીમાર થયા. 

તમને જણાવી દઈએ કે બીમારીને કારણે ક્રિસ વોક્સ અને જેક લીચ પહેલી ટેસ્ટ મેચ રમી શક્યા નહીં. બંનેને અલગ રૂમમાં બંધ કરાયા. તે જ સમયે સેન્ચ્યુરિયન ટેસ્ટ દરમિયાન કેપ્ટન જો રૂટ અને બેન સ્ટોક્સની પણ તબિયત ખરાબ થઈ હતી. ઈંગ્લેન્ડના ખેલાડીઓ દક્ષિણ આફ્રિકામાં સતત માથાનો દુખાવો અને શરદીની ફરિયાદ કરી રહ્યાં છે. આ ફલૂ ખેલાડીઓમાં ફેલાઈ રહ્યો છે. આ જ કારણથી ખેલાડીઓને અલગ-અલગ રૂમમાં રાખવામાં આવ્યા છે. 

બીમાર થનારા ઈંગ્લેન્ડના 11 ખેલાડી

ડોમ સિબલે, જો ડેનલી, જો રૂટ, ઓલી પોપ, બેન સ્ટોક્સ, જોસ બટલર, ક્રિસ વોક્સ, જેક લીચ, જોફ્રા આર્ચર, સ્ટુઅર્ટ બ્રોડ અને માર્ક વુડ

સાઉથ આફ્રિકા અને ઈંગ્લેન્ડનો કાર્યક્રમ

તમને જણાવી દઈએ કે, દક્ષિણ આફ્રિકા અને ઈંગ્લેન્ડ વચ્ચે બીજી ટેસ્ટ મેચ 3 જાન્યુઆરીએ કેપટાઉનમાં રમાશે. ત્રીજી ટેસ્ટ પોર્ટ એલિઝાબેથમાં 16 જાન્યુઆરીએ અને છેલ્લી ટેસ્ટ જોહાન્સબર્ગમાં 24 જાન્યુઆરીએ યોજાશે. આ પછી ત્રણ મેચની વનડે અને ટી 20 સીરિઝ હશે. વનડે શ્રેણી 4 ફેબ્રુઆરીથી અને ટી 20 શ્રેણી 12 ફેબ્રુઆરીથી શરૂ થશે.