મહિલા T-20 વર્લ્ડકપ : સેમિફાઇનલમાં ઇંગ્લેન્ડ સામે ભારતનો પરાજય

એમી જોન્સ 53 અને એન. સ્કિવરના 52 રનની અણનમ અડધી સદીની ઇનિંગ્સ તેમજ નાઇટ નાઇટની શાનદાર બોલિંગના કારણે આઇસીસી મહિલા વર્લ્ડ કપ ટી-20ના બીજી સેમિફાઇનલમાં ઇંગ્લેન્ડે ભારતને 8 વિકેટે પરાજ્ય આપી ફાઇનલમાં પ્રવેશ કરી લીધો છે.

ભારત તરફથી મળેલા 113 રનના લક્ષ્યને ઇંગ્લેન્ડે 17 બોલ બાકી રહેતા 8 વિકેટે વિજય મેળવ્યો છે. ઇંગ્લેન્ડની આ જીતના એમી જોન્સ એન. સ્કીવર અને હીથર નાઇટ હીરો રહ્યા.

જોન્સે 45 બોલમાં 3 બાઉન્ડ્રીની મદદ 53 રનની વિજય ઇનિંગ્સ રમી હતી. આ અગાઉ નાઇટે ટીમ ઇન્ડિયા સામે શાનદાર બોલિંગ કરતાં ત્રણ મહત્વની વિકેટ ઝડપી છે. 

આમ સર વિવિયન રિચર્ડસ મેદાનમાં રમાયેલ આઇસીસી મહિલા વર્લ્ડ ટી-20ની બીજી સેમિફાઇનલમાં ભારતીય ટીમનો પરાજ્ય થયો છે. ભારતની ટીમે ટોસ જીતીને પ્રથમ બેટિંગનો નિર્ણય કર્યો હતો.

જેમાં ટીમ ઇન્ડિયા 19.3 ઓવરમાં 112 રન બનાવી ઓલ આઉટ થઇ ગઇ હતી. જેના જવાબમાં ઇંગ્લેન્ડ માત્ર બે વિકેટના નુકસાન પર 17.1 ઓવરમાં 116 રન બનાવી મેચ પોતાના નામે કરી દીધી. રવિવારે ફાઇનલમાં ઇંગ્લેન્ડનો મુકાબલો ઓસ્ટ્રેલિયા સામે થશે.

આ અગાઉ પહેલી સેમિફાઇનલમાં ઓસ્ટ્રેલિયા ગત ચેમ્પિયન વેસ્ટ ઇન્ડિંઝને હરાવી સતત પાંચમી વખત ફાઇનલમાં પોતાનું સ્થાન નક્કી કર્યું હતું.