રવિવારે ઇંગ્લેન્ડના ઑલરાઉન્ડર બેન સ્ટોક્સે હેડિંગલે ખાતે ઓસ્ટ્રેલિયા સામેની ત્રીજી ટેસ્ટ મેચમાં 135* રન કર્યા, જેના કારણે ઇંગ્લેન્ડ તેમના ટેસ્ટ ઇતિહાસમાં સૌથી મોટા સ્કોર (359 રન)નો ટાર્ગેટ પૂરો કરતા 1 વિકેટથી જીત મેળવી.
મેચની પહેલી ઇનિંગમાં માત્ર 67 રનમાં ઑલઆઉટ થયા પછી બીજી ઇનિંગમાં ઓસ્ટ્રેલિયા માટે 359 રનનો ટાર્ગેટ પૂરો કરવો કોઇ ચમત્કારથી ઓછું નથી. જોકે બેન સ્ટોક્સની શાનદાર ઇનિંગના લીધે ઇંગ્લેન્ડ મેચ જીતી ગયુ.
જોકે બેન સ્ટોક્સની આ શાનદાર ઇનિંગ પછી પણ ઇંગ્લેન્ડના ક્રિકેટ ફેન્સ તેણે જૂતા બતાવી રહ્યા હતા. વાસ્તવમાં 50 બૉલ પછી રન કરવાની શરૂઆત કરનારા બેન સ્ટોક્સે જ્યારે હાફ સેન્ચુરી કરી ત્યારે બાર્મી આર્માીએ તેણે જૂતા બતાવીને ગીત ગાવાનું શરૂ કરી દીધુ.
જોકે અહીંયા જૂતા બતાવવાનો મતલબ સ્ટોક્સની ટીકા કરવાનો ન હતો, પરંતુ તેના સપોર્ટનો હતો. ઇંગ્લેન્ડની બાર્મી આર્મી એક નવો પ્રયોગ હેઠળ આમ કરવાનું શરૂ કર્યુ છે. તેમણે ગીત ગાતા કહ્યુ કે, ''જો તમે બેન સ્ટોક્સને પ્રેમ કરો છો તો જૂતા ઉતારી દો.'' આ પછી સ્ટેડિયમમાં રહેલા ઇંગ્લેન્ડના ક્રિકેટ ફેન્સ પોતાના જૂતા ઉતારીને સ્કોક્સને બતાવી રહ્યા છે.
ઉલ્લેખનીય છે કે, ઓસ્ટ્રેલિયાએ આપેલા 359 રનનો ટાર્ગેટ પૂરો કરવા માટે આવેલી ઇંગ્લેન્ડની ટીમ 286 રનમાં 9 વિકેટ ગુમાવી દીધી, જોકે સ્ટોક્સે 44 બોલમાં 74 રન બનાવ્યા હતા, તેણે પોતાની ઇનિંગ્સમા 11 બાઉન્ડ્રી અને 8 સિક્સર્સ ફટાકારી. મેન ઑફ ધ મેચ બનેલા બેન સ્ટોક્સે જણાવ્યુ કે, ''તેણે રવિવારે ટેસ્ટના ચોથા દિવસની આગલી રાતે ફ્રાઇડ ચિકન અને ચોકલેટ ખાધી હતી.''