BIG NEWS / વિદ્યાર્થીઓ માટે મોટા સમાચાર: એન્જીનિયરીંગ અને ટેકનિકલના વિદ્યાર્થીઓ માટે ફી નક્કી થઈ, જોઈ લો નવું ફી સ્ટ્રક્ચર

• એન્જીનિયરીંગ અને ટેકનિક્લ કોર્સ માટેની ફી નક્કી કરી
• જોઈ લો શું છે નવું સ્ટ્રક્ચર
• સરકારી અને ખાનગી કોલેજો બંનેને લાગૂ પડશે આ નિયમ

ઓલ ઈંડિયા કાઉંસિલ ફોર ટેક્નિકલ એજ્યુકેશન તરફથી એન્જીનીયરીંગ અને ટેકનિકલ કોર્સ માટે ફી નક્કી કરવામાં આવી છે. નવા સ્ટ્રક્ચર અંતર્ગત, પ્રથમ વર્ષ માટે એન્જીનિયરીંગ પ્રોગ્રામની ફી લગભગ 79 હજાર રૂપિયાથી લઈને 1.89 લાખ રૂપિયા વાર્ષિક નિર્ધારિત કરવામાં આવી છે. તેમાં ટ્યૂશન, ડેવલપમેંટ, એક્ઝામિનેશન અને અન્ય ફી સામેલ છે. આ નિર્ણય બાદ એન્જીનિયરીંગ કોલેજ હવે બીટેક અને બીઈમાં મનમાની ફી વસૂલી શકશે નહીં. AICTE તરફથી આપવામાં આવેલી જાણકારી અનુસાર, કોલેજ ટ્યૂશન ફી 1000 રૂપિયાથી વધારે નહીં રાખવામાં આવે અને સાથે જ કોલેજોને ચાર વર્ગોની ફીની જાણકારી વેબસાઈટ પર પણ અપલોડ કરવામાં આવશે.

ઓલ ઈંડિયા કાઉંસિલ ફોર ટેક્નિકલ એજ્યુકેશન તરફથી નક્કી કરવામાં આવેલી આ ફી તમામ સરકારી અને ખાનગી કોલેજો માટે હશે. એઆઈસીટીઈ ફી નિર્ધારિત રિપોર્ટ રાજ્યોને ટૂંક સમયમાં મોકલી દેવામાં આવશે અને તેને લાગૂ કરવા માટે ભલામણ કરવામાં આવશે. સાથે જ ડ્યૂલ ડિગ્રી, ઈંટીગ્રેટેડ પ્રોગ્રામનો સમયગાળો વગેરે ફી નિર્ધારિત કરીને અપલોડ કરવાની રહેશે.

ફી સ્લેબ

ઓલ ઈંડિયા કાઉંસિલ ફોર ટેક્નિકલ એજ્યુકેશને કહ્યું કે, પહેલી વાર એન્જીનિયરીંગ, ડિઝાઈન, આર્ટ એન્ડ ક્રાફ્ટ પ્રોગ્રામમાં યુજી અને પીજી પ્રોગ્રામ માટે ન્યૂનતમ અને વધુમાં વધુ ફીનો સ્લેબ નિર્ધારિત કરવામાં આવ્યો છે. તે પહેલા ફીનો સ્લેબ નિર્ધારિત નહોતો કર્યો. જસ્ટિસ શ્રીકૃષ્ણન કમિટિ અને પ્રો મનોજ કુમાર તિવારી કમિટિની ભલામણો અને રિવ્યૂના આધાર પર આ ફી નક્કી કરવામાં આવી છે.