રાજનીતિ / મિકેનિકલ એન્જિનિયર હેમંત સોરેન આમ બન્યા ઝારખંડના CM, સાદગીએ જીતી લીધુ ઝારખંડનું દિલ

ભાઇના મોત બાદ પરિસ્થિતિવશ રાજનીતિમાં પગ મુકનાર હેમંત સોરેન પોતાની સાદગી માટે જાણિતા છે. 19મી સદીના આદિવાસી નાયક બિરસા મુંડા અને બાબા સાહેબને પોતાના આદર્શ માનતા હેમંત સોરેન જીત બાદ પણ સાઇકલ ચલાવતા જોવા મળ્યા. આટલું જ નહીં, ફૂલોનો બૂકેની જગ્યાએ 'બુક' (પુસ્તક) આપવાની અપીલ કરી લોકોનું દિલ જીતી લીધું. 

મિકેનિલકલ એન્જિનિયર છે હેંમત સોરેન

મગઢ જિલ્લાના નેમરા ગામમાં શિબૂ સોરેન એટલે કે ગુરુજી અને રુપીના ઘરે 10, ઓગસ્ટ, 1975માં જન્મેલા હેમંત સોરેને BIT મેસરાતી મિકેનિકલ એન્જિનિયરિંગની ડિગ્રી હાંસલ કરી છે. 2005માં વિધાનસભા ચૂંટણીની સાથે તેઓએ ચૂંટણી રાજનીતિમાં પગ મુક્યો, જ્યારે તેઓ દુમકા બેઠકથી મેદાનમાં ઉતર્યા હતા. જોકે, તેમને પાર્ટીના બળવાખોર નેતા સ્ટીફન મરાંડી સામે હારનો સામનો કરવો પડ્યો. ત્યારબાદ 2009માં મોટાભાઇ દુર્ગાની મોત બાદ હેમત સોરેનની જિંદગીમાં મોટો વળાંક આવ્યો. 

હારથી જીત સુધીની સફર

એ સમયે ચિરુડીહ હત્યાકાંડમાં શિબૂ સોરેનને દોષિત ઠેરાવવામાં આવ્યા. મજબૂરીમાં શિબૂ સોરેને હેમંત સોરેનને પોતાના ઉત્તરાધિકારી બનાવવા પડ્યા. હેમંત સોરેને રાજ્યસભાના સાંસદ તરીકે 24 જૂન, 2009થી લઇને 4 જાન્યુઆરી, 2010ની વચ્ચે સંસદ પહોંચ્યા. સપ્ટેમ્બરમાં તેઓ BJP, JMM, JDU, AJSU ગઠબંધનની અર્જુન મુંડા સરકારમાં ઝારખંડના ઉપમુખ્યમંત્રી બન્યા. તેઓ 2013માં રાજ્યના સૌથી નાની ઉંમરના મુખ્યમંત્રી બન્યા અને ડિસેમ્બર 2014 સુધી આ પદ પર રહ્યા. વર્ષ 2014માં રાજ્યમાં બીજેપીની સરકાર બની ગઇ અને હેમંત સોરેન નેતા પ્રતિપક્ષ બન્યા. 

ઝારખંડમાં 20 ડિસેમ્બરે ખતમ થયેલી વિધાનસભા ચૂંટણીમાં હેમંત સોરેન JMM-કોંગ્રેસ અને રાષ્ટ્રીય જનતા દળના ગઠબંધનનો ચહેરા હતા. ચૂંટણી પ્રચાર દરમિયાન તેઓે આદિવાસીઓથી જોડાયેલા પ્રસ્તાવિત સંશોધનનો વિરોધ કર્યો અને 70,000થી વધારે અસ્થાયી શિક્ષકોનું નિયમન કરવાનું સમર્થન કર્યું. તેઓએ રઘુબર દાસ સરકાર પર દારુ વેચાણ અને સરકારી સ્કૂલોના વિલયને લઇને નિશાન સાધ્યું. જેએમએમના નેતૃત્વ વાળા ગઠબંધને રાજ્યની કુલ 81 બેઠકોમાંથી 47 બેઠકો પર કબજો કરી લીધો. 

साथियों,

मैं अभिभूत हूँ आप झारखंडवासियों के प्यार एवं सम्मान से।

पर मैं आप सबसे एक करबद्ध प्रार्थना करना चाहूँगा, कि कृपया कर मुझे फूलों के ‘बुके’ की जगह ज्ञान से भरे ‘बुक’ मतलब अपने पसंद की कोई भी किताब दें। मुझे बहुत बुरा लगता है की मैं आपके फूलों को सम्भाल नहीं पाता।
1/2 pic.twitter.com/RXVQ7aghXW

— Hemant Soren (@HemantSorenJMM) December 27, 2019

સાદગી પસંદ નેતા છે હેમંત સોરેન

વર્ષ 2006માં લગ્નના બંધનમાં બંધાયા બાદ હેમંત સોરેનેની પત્નીનું નામ કલ્પના સોરેન છે. કલ્પના સોરેને એન્જિનિયરિંગની હાંસલ કરી છે અને રાંચીમાં સ્કૂલ ચલાવે છે. હેમંતના બે પુત્ર વિશ્વજીત અને નિતિન છે. આદિવાસી સમુદાયથી સબંધ ધરાવતા હેમંત સોરેન ખુબ જ સાદગી પસંદ નેતાની ઓળખ ધરાવે છે. ચૂંટણીમાં શાનદાર જીત મેળવ્યા બાદ ઉજવણી કરવાની જગ્યાએ તેઓ સાઇકલ ચલાવતા નજરે પડ્યા હતા. જીત બાદ બુકેની જગ્યાએ બુક (પુસ્તક) આપવાની અપીલ કરી લોકોના દિલ જીતી લીધા હતા.

હેમંત સોરેને લખ્યું, 'સાથિઓ, હું અભિભૂત છું આપ ઝારખંડવાસીઓના પ્રેમ અને સન્માનથી. પરંતુ હું આપ સૌને પ્રાર્થના કરવા ઇચ્છું છું કે, કૃપા કરીને મને ફૂલોના 'બુકે'ની જગ્યાએ જ્ઞાનથી ભરેલા 'બુક' એટલે કે પોતાની પસંદગીનું કોઇપણ પુસ્તક આપો. મને ખૂબજ ખરાબ લાગે છે કે હું આપના ફૂલોને સંભાળી નથી શકતો. તેઓએ કહ્યું, આપ આપના દ્વારા આપવામાં આવેલા પુસ્તકોમાં આપનું નામ લખીને આપો, જેથી જ્યારે અમે આપના પુસ્તકો સંભાળીને એક લાઇબ્રેરી બનાવીશું તો આપની પ્રેમભરી ભેટ હંમેશા અમારુ જ્ઞાન વધારશે.