શોકિંગ / નોટોના ઢગલા પર સૂતો હતો આ ઍન્જિનિયર, એટલી રોકડ મળી કે અધિકારીઓના ઉડ્યાં હોશ

આપને જણાવી દઇએ કે, વિજીલન્સ વિભાગે ઝડપી લીધેલ આ રકમ એટલી વિશાળ છે કે, તેને ક્યાં રાખવી તેના માટે જગ્યા નથી. શનિવાર અને રવિવારના રોજ બેંક બંધ હોવાથી RBIનો ખાસ આદેશ પ્રાપ્ત કરીને આ કેશને જમા કરવાના પ્રયત્નો હાથ ધરવામાં આવ્યા છે. 

વિજીલન્સ વિભાગના અધિકારીઓના જણાવ્યા પ્રમાણે રોડ બનાવવા માટે માર્ગ નિર્માણ વિભાગમાંથી ટેન્ડર નિકળ્યું હતું. ટેન્ડર લેવા માટે કોન્ટ્રાક્ટરે અખિલેશ કુમાર જયશવાલની કંપનીએ પણ અરજી કરી હતી, ટેન્ડર આપવા માટે એક લાંચ આપવાની વાત થઇ હતી તે મુજબ એન્જિનિયર સુરેશ પ્રસાદ યાદવે અખિલેશે 32 લાખ રૂપિયા આપવાના હતા. પરંતુ ડીલ 28 લાખમાં નક્કી થઇ. જેમાં શરૂઆતમાં 14 લાખ રૂપિયાની રકમ સ્વીકારવામાં આવી રહી હતી એ દરમિયાન જ વિજિલન્સ ટીમે તેને રંગેહાથ ઝડપી પાડ્યો હતો.

નોટોના ઢગલા જોઇને વિજીલન્સ વિભાગ પણ અચંબિત થઇ ગયો હતો અને નોટોની ગણતરી કરવા માટે મશીન મંગાવી પડી હતી. નોંધનીય છે કે, જ્યારે આ એન્જિનીયરના નિવાસ સ્થાને દરોડા પાડવામાં આવ્યા ત્યારે તેના નિવાસ સ્થાનેથી લગભગ 2 કરોડ 40 લાખ રૂપિયા મળી આવ્યા હતા. આ સાથે જ કેટલાક દસ્તાવેજો મળી આવ્યા હતા જે જમીનના હતા. હાલ આ તમામ બાબતની ગણતરી કરવામાં આવી રહી છે.