આશ્ચર્ય / કેવી ભૂંડી રીતે આઉટ થયો ખેલાડી, ક્રિકેટનાં ઇતિહાસમાં પહેલા ક્યારેય નથી બની આવી ઘટના, જુઓ VIDEO

• ન્યુઝીલેન્ડનો બેટર હેનરી નિકોલ્સ વિચિત્ર રીતે થયો આઉટ
• ક્રિકેટના ઈતિહાસમાં પહેલી વખત બેટર આ રીતે આઉટ થયો
• નિકોલ્સ આઉટ થયાનો વીડિયો થયો વાયરલ

હેનરી નિકોલ્સ વિચિત્ર રીતે થયો આઉટ

ઈંગ્લેન્ડ સામેની શ્રેણીની ત્રીજી ટેસ્ટ મેચના પ્રથમ દિવસે ન્યુઝીલેન્ડે 123 રનના સ્કોર પર તેની 5 વિકેટ ગુમાવી દીધી હતી. હેનરી નિકોલ્સ ટીમની 5મી વિકેટ તરીકે પેવેલિયન પરત ફર્યો હતો. હકીકતમાં જેક લીચ મેચની 56મી ઓવરમાં બોલિંગ કરી રહ્યો હતો. ન્યુઝીલેન્ડનો હેનરી નિકોલ્સ સામે બેટીંગ કરી રહ્યો હતો, જ્યારે તેણે શોટ રમ્યો ત્યારે બોલ નોન-સ્ટ્રાઈકરના છેડે ઉભેલ બેટર ડેરીલ મિશેલના બેટ સાથે અથડાયો. તેણે બચવાનો પણ પ્રયાસ કર્યો પરંતુ મિશેલના ફટકારેલ શોટથી બોલ બેટને અથડાયા બાદ સીધો મિડ-ઓફમાં ઉભેલા લીગના હાથમાં ગયો અને તેણે કેચ પકડી લીધો.

What on earth!? 😅🙈

Scorecard/clips: https://t.co/AIVHwaRwQv

🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/yb41LrnDr9

— England Cricket (@englandcricket) June 23, 2022

ન્યૂઝીલેન્ડે 5 વિકેટના નુકસાને 187 રન બનાવ્યા હતા

આ રીતે નિકોલસ 19 રન બનાવીને ખૂબ જ વિચિત્ર રીતે આઉટ થયો હતો. અત્યાર સુધીની આ ત્રીજી ટેસ્ટ મેચમાં ન્યૂઝીલેન્ડે ટોસ જીતીને પહેલા બેટિંગ કરવાનો નિર્ણય લીધો છે. વરસાદના કારણે મેચ બંધ થાય તે પહેલા ન્યૂઝીલેન્ડે 74 ઓવર રમીને 5 વિકેટના નુકસાને 187 રન બનાવ્યા હતા.

શું છે નિયમ

નિકોલસ આઉટ થતાની સાથે જ કોમેન્ટેટર નાસિર હુસૈને કહ્યું, 'તે કેવી રીતે થયું. મિશેલ નોન-સ્ટ્રાઈકરના છેડે ઊભો હતો, તે બોલને દૂર કરવાનો પ્રયાસ કરી રહ્યો હતો, અમ્પાયર દૂર જવાનો પ્રયાસ કરી રહ્યો હતો અને બોલ મિડ-ઑફમાં ગયો હતો. મને વિશ્વાસ નથી.' એમસીસીએ નિયમો સમજાવતા લખ્યું, 'કાયદા 33.2.2.3 મુજબ, જો બોલ વિકેટ, અમ્પાયર, અન્ય ફિલ્ડર, રનર અથવા બેટ્સમેનને ફટકાર્યા પછી કોઈ ખેલાડી દ્વારા પકડવામાં આવે છે, તો તે બેટિંગ કરી રહ્યો છે. ખેલાડી બહાર ગણવામાં આવે છે.'