ઇંગ્લેન્ડે મંગળવારે ન્યૂઝીલેન્ડને 119 રનથી હરાવીને ICC વર્લ્ડ કપના સેમિફાઇનલમાં એન્ટ્રી કરી દીધી છે.
ઇંગ્લેન્ડે 1992 પછી પહેલી વખત વર્લ્ડ કપના સેમિફાઇનલમાં જગ્યા બનાવી છે, આ સાથે જ પાકિસ્તાનનું સેમિફાઇનલમાં પહોંચવાનું સપનુ અધૂરુ રહી જશે.
જો પાકિસ્તાન 5 જૂલાઇના થનારી મેચમાં બાંગ્લાદેશ વિરુદ્ઘ ટૉસ હારી જાય છે અને બાંગ્લાદેશ પહેલા બેટિંગ કરવાનો નિર્ણય કરશે તો પહેલી જ બૉલ ફેંક્યા પહેલા જ પાકિસ્તાનની ટીમ વર્લ્ડ કપ 2019માંથી બહાર થઇ જશે. કેમકે આ સ્થિતિમા પાકિસ્તાનનો રન રેટ ન્યૂઝીલેન્ડ કરતા ઓછો થઇ જશે અને પાકિસ્તાની ટીમમાં સેમિફાઇનલમાં પહોંચવાનું સપનું અધૂરુ રહી જશે.
તો બીજી તરફ બાંગ્લાદેશ વિરુદ્ઘ ટૉસ જીતીને પાકિસ્તાન જો પહેલા બેટિંગની પસંદગી કરે તો 350નો સ્કોર રન બનાવી શકે છે, જે પછી ખતરનાક બૉલિંગ કરીને બાંગ્લાદેશને 311ના મોટા અંતરથી હરાવવી પડશે. જેનો મતલબ સ્પ્ષ્ટ છે કે, પાકિસ્તાને પહેલા બેટિંગ કરતા 50 ઑવરમાં 350 રન કરે તો બાંગ્લાદેશની ટીમને 39 રન પર ઑલઆઉટ કરવી પડશે. તમને જણાવી દઇએ કે, બાંગ્લાદેશની ટીમ પહેલાથી જ વર્લ્ડ કપની બહાર છે.
પૉઇન્ટ ટેબલ પર ક્યાં છે પાકિસ્તાન:
- પૉઇન્ટ ટેબલ અનુસાર, ઓસ્ટ્રેલિયા, ભારત અને ઇંગ્લેન્ડની ટીમ સેમિફાઇનલમાં જગ્યા બનાવી ચૂકી છે. ઇંગ્લેન્ડે ન્યૂઝીલેન્ડને બુધવારે હરાવીને સેમિફાઇનલમાં એન્ટ્રી કરી દીધી છે. ઓસ્ટ્રેલિયા 14 પૉઇન્ટની સાથે ટૉપ પર છે અને તેને અંતિમ મેચ સાઉથ આફ્રિકા વિરુદ્ઘ રમવાની છે.
ટીમ ઇન્ડિયાના 13 પૉઇન્ટ છે, જેને છેલ્લી મેચ શ્રીલંકાની સામે 6 જૂલાઇએ રમવાની છે. તો ઇંગ્લેન્ડની ટીમ 12 પૉઇન્ટની સાથે પૉઇન્ટ ટેબલ પર ત્રીજા સ્થાને છે.
ન્યૂઝીલેન્ડની ટીમ 11 પૉઇન્ટની સાથે ચોથા સ્થાન પર છે. 9 પૉઇન્ટની સાથે પાકિસ્તાન પાંચમા સ્થાન પર છે. હજુ પાકિસ્તાનને એક મેચ રમવાની છે જો જીતી જાય તો સેમિફાઇનલમાં સ્થાન બનાવી શકે છે.