મ્યુનિસિપલ કોર્પોરેશનના સત્તાવાળાઓ દ્વારા આજથી ગમે ત્યાં કચરો ફેંકનાર, જાહેરમાં ગમે ત્યાં થૂંકનાર, પેશાબ કે ગંદકી કરનાર, ટ્રાફિકના નિયમોનું પાલન ન કરનાર તેમજ આડેધડ વાહન પાર્કિંગ કરનાર સામે દંડાત્મક કાર્યવાહી શરૂ કરાઇ છે. આ માટે મ્યુનિસિપલ તંત્ર અને ટ્રાફિક પોલીસના અધિકારીઓની સંયુક્ત જોઇન્ટ એન્ફોર્સમેન્ટ ટીમ (જેટ)નું ગઠન કરાયું હોઈ શહેરભરમાં જેટ દ્વારા સ્થળ પર જ દંડ વસૂલાઇ રહ્યો છે.