નેશનલ હેરાલ્ડ કેસમાં રાહુલ ગાંધી સાથે ઈડીએ પૂછપરછ કરી હતી, વિગતો આવી રહી છે કે, લંચ બ્રેક પછી પણ પુછપરછ થઈ શકે છે.
નેશનલ હેરાલ્ડ કેસમાં રાહુલ ગાંધીની પુછપરછ
કોંગ્રેસ નેતાઓ કરી રહ્યા છે દેખાવો
રાહુલ ગાંધીને આટલા સવાલો પૂછવામાં આવ્યા
નેશનલ હેરાલ્ડ કેસમાં રાહુલ ગાંધી સાથે ઈડીએ પૂછપરછ કરી હતી, વિગતો આવી રહી છે કે, લંચ બ્રેક પછી પણ પુછપરછ થઈ શકે છે. આસિસ્ટેંટ ડાયરેક્ટર રેંકના અધિકારીએ પૂછપરછ કરી હતી. ઈડીએ રાહુલ સાથે એકલામાં પૂછપરછ કરી હતી અને તેમની સાથે વકીલોને પણ આવવાની પરમિશન નહોતી મળી. અહીં ઈડીએ કોંગ્રેસ નેતા સાથે ઉપરાઉપરી અનેક સવાલો કર્યા હતા. ઈડીએ સૌથી પહેલા પૂછ્યું હતું કે, શું યંગ ઈન્ડિયા AJL એટલે કે, નેશનલ હેરાલ્ડ પ્રકાશન સાથે જોડાયેલી કંપની ટેકઓવર કરી શકે છે, ઈડીનો બીજો સવાલ હતો કે, 50 લાખના શેર જે યંગ ઈન્ડિયા AJLએ ખરીદ્યા, તેનો મોડ ઓફ પેમેન્ટ શું હતું.
Delhi | Congress leader Priyanka Gandhi Vadra meets party leaders who were detained during the party's 'Satyagrah' march at Tughlaq Road Police Station pic.twitter.com/U2ERjogHXF
શું આપે શેર હોલ્ડર્સ સાથે પહેલા ક્યારેય મીટિંગ કરી, જો નહીં તો શા માટે ?
કોંગ્રેસે યંગ ઈંન્ડિયાને શા માટે લોન આપી ?
કોંગ્રેસ નેશનલ હેરાલ્ડને પુનર્જીવિત શા માટે કરવા માગતી હતી ?
શું આપ કોંગ્રેસ દ્વારા આપવામાં આવેલી લોન વિશે જાણકારી આપી શકો છો ?
શું આપ AJL અને નેશનલ હેરાલ્ડની સંપત્તિઓ વિશે જાણકારી આપી શકો છો ?
આ દરમિયાન ED એ પણ પૂછ્યું કે તમારી કંપનીમાં કેટલા ટકા હિસ્સો છે. તમે આ હિસ્સો કેવી રીતે અને કેટલા શેર ખરીદ્યો? એન્ફોર્સમેન્ટ ડિરેક્ટોરેટે એ પણ કહ્યું કે તમે તમારા 38 ટકા હિસ્સા સાથે સંબંધિત દસ્તાવેજો બતાવો. આ બધા સવાલોના જવાબ આપવામાં રાહુલને ઘણી તકલીફ પડી. સૂત્રોના જણાવ્યા અનુસાર EDના અધિકારીઓ રાહુલ ગાંધી પાસેથી વિદેશમાં બેંક ખાતા અને સંપત્તિની માહિતી પણ લઈ રહ્યા છે. આ સિવાય EDએ પૂછ્યું કે યંગ ઈન્ડિયા લિમિટેડની રચના ક્યારે થઈ અને કંપનીએ કેટલા પૈસા ભેગા કર્યા. તેમજ યંગ ઈન્ડિયામાં કેટલા ડિરેક્ટર હતા અને તેમનો હિસ્સો કેટલો હતો. આ સિવાય એ પણ પૂછવામાં આવ્યું કે યંગ ઈન્ડિયા લિમિટેડની પ્રોફાઈલ શું છે.
Delhi | Congress leader Rahul Gandhi arrives at the office of the Enforcement Directorate to appear in the National Herald case https://t.co/Sq0kJwL7DA
રાહુલ ગાંધીના સમર્થનમાં અનેક દિગ્ગજ નેતાઓ પહોંચ્યા હતા
જણાવી દઈએ કે, રાહુલ ગાંધી કોંગ્રેસ હેડક્વાર્ટરથી ED ઓફિસ પહોંચ્યા હતા. તેમાં રાજસ્થાનના મુખ્યમંત્રી અશોક ગેહલોત, છત્તીસગઢના મુખ્યમંત્રી ભૂપેશ બઘેલ, પાર્ટીના મહાસચિવ પ્રિયંકા ગાંધી વાડ્રા અને કોંગ્રેસના ઘણા વરિષ્ઠ નેતાઓ અને કાર્યકરો મોટી સંખ્યામાં પહોંચ્યા હતા અને રાહુલ ગાંધીને પોતાનું સમર્થન જાહેર કર્યું હતું. જ્યારે રાહુલ ગાંધીનો કાફલો ED હેડક્વાર્ટર પહોંચ્યો ત્યારે પ્રિયંકા ગાંધી પણ કારમાં તેમની બાજુમાં બેઠા હતા. અધિકારીઓના જણાવ્યા અનુસાર, કોંગ્રેસના વરિષ્ઠ નેતાઓ અને ગાંધી પરિવારની પૂછપરછ એ યંગ ઈન્ડિયન એન્ડ એસોસિએટેડ જર્નલ્સ લિમિટેડ (AJL) ના પ્રમોટર્સની હિસ્સેદારી પેટર્ન, નાણાકીય વ્યવહારો અને ભૂમિકાને સમજવા માટે EDની તપાસનો એક ભાગ છે.
Delhi | Congress workers protesting in the Central Delhi area detained by police pic.twitter.com/rBa6dWkkvq
દિલ્હી પોલીસે કોંગ્રેસ પાર્ટી હેડક્વાર્ટરની આસપાસ કલમ 144 લાગુ કરી છે
યંગ ઈન્ડિયનના પ્રમોટર્સ અને શેરધારકોમાં સોનિયા ગાંધી અને રાહુલ ગાંધી સહિત કોંગ્રેસના અન્ય કેટલાક સભ્યોનો સમાવેશ થાય છે. કોંગ્રેસે રાહુલ ગાંધીના દેખાવને ધ્યાનમાં રાખીને દેશભરમાં ED કાર્યાલયોની બહાર સત્યાગ્રહ કરવાનો નિર્ણય લીધો હતો અને દિલ્હીમાં પણ પુરી તાકાત સાથે પ્રદર્શનની તૈયારી કરી રહી હતી. કોંગ્રેસની આ કૂચને ધ્યાનમાં રાખીને, પોલીસે કોંગ્રેસના ઘણા કાર્યકરોની અટકાયત કરી હતી અને પાર્ટી મુખ્યાલયની આસપાસ કલમ 144 લાગુ કરી હતી.