Health Tips / શિયાળામાં 'પાવર હાઉસ' જેવું કામ કરે છે આ ફૂડ્સ, ખાવાનું શરૂ કરી દો આખો દિવસ રહેશે એક્ટિવ

• શિયાળામાં જરૂર ખાઓ આ ફૂડ્સ 
• છે એનર્જીનો પાવર હાઉસ 
• જાણો તેના ફાયદાઓ વિશે 

શિયાળાની ઋતુમાં મોટાભાગે લોકોને સુસ્તી લાગે છે. ઘણી વખત શરીરમાં પોષક તત્વોની કમીના કારણે થાક લાગે છે અને તેની અસર આપણા રોજીંદા જીવનના કામ પર પણ પડે છે. અમે તમને અમુક એવી ખાસ વસ્તુઓ વિશે જણાવવા જઈ રહ્યા છીએ જેના દ્વારા શરીરને તરત એનર્જી મળે છે. તેનું સેવન કર્યા બાદ આખો દિવસ એક્ટિવ રહેશે. 

ઈંડા 

ઈંડામાં ભરપૂર માત્રામાં પ્રોટીન હોય છે. બ્રેકફાસ્ટમાં ઈંડા ખાવાથી તમારુ પેટ લાંબા સમય સુધી ભરેલું રહે છે અને શરીરમાં એનર્જી રહે છે. ઈંડામાં 13 પ્રકારના વિટામિન, મિનરલ્સ, ઓમેગા-3 ફેટી એસિડ અને એન્ટીઓક્સિડેન્ટ હોય છે. આજ કારણ છે કે ઈંડાને સુપરફૂડ પણ કહેવામાં આવે છે. વજન ઓછુ કરવામાં પણ ઈંડા ખૂબ જ કારગર હોય છે. 

કેળા 

કેળામાં ખૂબ જ પોટેશિયમ, ફાઈબર અને વિટામિન હોય છે. તેમાં કાર્બ્સનું સારૂ પ્રમાણ હોય છે જે તમારા આખા દિવસને એનર્જીથી ભરી દેશે. કેળા ખાવાથી પાચનતંત્ર સારૂ રહે છે અને પેટ સાથે જોડાયેલી ઘણી સમસ્યાઓનું પણ સમાધાન થાય છે. હાઈ બ્લડ પ્રેશરના દર્દીઓ માટે પણ કેળા ખૂબ જ ફાયદાકારક છે. 

ઓટ્સ 

ઓટ્સમાં ખૂબ જ વધારે પ્રોટીન અને ફાઈબર હોય છે. બ્લડ શુગરને કંટ્રોલમાં રાખવામાં તે ખૂબ જ ફાયદાકારક છે. તેને ખાવાથી જલ્દી ભૂખ નથી લાગતી. એનર્જી વધારવાની સાથે સાથે તે વેટ લોસ પણ કરે છે. ઓટ્સમાં મળી આવતા પોષકતત્વો શરીરને બીમારીઓથી પણ દૂર રાખે છે. 

શક્કરીયા 

સ્વાદિષ્ટ હોવાની સાથે સાથે શક્કરીયા શરીરમાં એનર્જી વધારવાનું પણ કામ કરે છે. એક કપ શક્કરીયામાં 25 ગ્રામ કાર્બ્સ, 3.1 ગ્રામ ફાઈબર, 25 ટકા મેગ્નેનીઝ અને વિટામિન Aનું સારૂ પ્રમાણ હોય છે. શક્કરીયામાં રહેલા ફાઈબર અને કાર્બ્સને પચાવવામાં સમય લાગે છે માટે તેનું સેવન કર્યા બાદ લાંબા સમય સુધી શરીરને ભૂખ નથી લાગતી અને શરીર એક્ટિવ રહે છે. 

સફરજન 

સફરજનમાં કાર્બ્સ અને ફાઈબર ભરપૂર માત્રામાં હોય છે. તેમાં મળી આવતી નેચરલ શુગર અને ફાઈબર શરીરમાં ઉર્જાના સ્તરને ધીરે ધીરે વધારે છે અને શરીરને લાંબા સમય સુધી એક્ટિવ રાખે છે. સફરજનમાં એન્ટીઓક્સિડન્ટ પણ સારી માત્રામાં હોય છે જે શરીરને એનર્જી આપે છે. 

બીટ 

બીટ પણ શરીરમાં ઉર્જાના સ્તરને વધારવા માટે જાણીતું છે. સ્ટડીમાં દાવો કરવામાં આવ્યો છે કે બીટમાં હાજર એન્ટી ઓક્સીડન્ટ બ્લડ ફ્લોને ઝડપી બનાવે છે. બીટમાં મળી આવતા નાઈટ્રેટ શરીરમાં નાઈટ્રિક ઓક્સાઈડ વધારે છે. તેના કારણે વધુ ઓક્સીજન મળે છે અને શરીરનું એનર્જી લેવલ વધે છે.